Бізнес-навіны

Калінінград ставіць мэту выйсці на дасанкцыйны ўзровень тавараабароту з Беларуссю

9 чэрвеня, Мінск /Кар. БЕЛТА/. Калінінградская вобласць ставіць мэту выйсці на дасанкцыйны ўзровень тавараабароту з Беларуссю. Аб гэтым пасля сустрэчы ў кіраўніка беларускай дзяржавы заявіў журналістам губернатар Калінінградскай вобласці Расіі Аляксей Бяспрозванных, перадае карэспандэнт БЕЛТА.

"За апошнія два гады тавараабарот паміж Калінінградскай вобласцю і абласцямі Беларусі знізіўся. Мы паставілі для сябе амбіцыйную мэту - у нас доўгатэрміновыя пагадненні з усімі абласцямі Беларусі - выйсці на дасанкцыйны ўзровень тавараабароту. Ключавой прычынай зніжэння тавараабароту з'яўляюцца тыя абмежаванні, якія ўводзяцца нашымі недружалюбнымі суседзямі. Але бізнес адаптуецца, прыстасоўваецца, знаходзіць новыя лагістычныя каналы. Калі ў нас ідзе абмежаванне па сухапутных перавозках, то мы развіваем марскія перавозкі", - сказаў кіраўнік расійскага рэгіёна.

Што датычыцца сумесных праектаў, то адзін з важных напрамкаў - меліярацыя, што вельмі запатрабавана ў Калінінградскай вобласці. "У Беларусі ёсць вельмі добры вопыт работы з гэтымі землямі. Мы сёння абмеркавалі сумесную праграму па выкарыстанні тэхналогій і абсталявання, якое тут вырабляецца", - расказаў Аляксей Бяспрозванных.

Ён адзначыў, што ў Калінінградскай вобласці вельмі любяць малочную, каўбасную прадукцыю, якая вырабляецца ў Беларусі. "Ведаю, што беларускія спажыўцы любяць нашу рыбную прадукцыю. Гаварылі аб тым, што ў гэтых адносінах мы будзем толькі нарошчваць свой тавараабарот", - сказаў губернатар.

Шэраг праектаў абмяркоўваецца і ў сферы прамысловасці. Напрыклад, Калінінград прапануе пастаўляць у Беларусь акумулятарныя батарэі для электратранспарту і сам закупляе розную беларускую тэхніку.

версія для друку

зрабіць стартавай

дабавіць у выбранае