У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

4 Кст 2016

Калінін: Беларусь і Польшча павінны больш актыўна распрацоўваць сумесныя праекты ў транспартнай сферы

4 кастрычніка, Мінск /Кар. БЕЛТА/. Беларусь і Польшча павінны больш актыўна распрацоўваць сумесныя праекты ў транспартнай сферы, заявіў сёння намеснік прэм'ер-міністра Беларусі Анатоль Калінін у час сустрэчы з міністрам марской гаспадаркі і ўнутранага суднаходства Польшчы Маракам Грубарчыкам і намеснікам міністра інфраструктуры і будаўніцтва Польшчы Юстынай Скшыдла, перадае карэспандэнт БЕЛТА.

"Беларусь і Польшчу злучае вялікая колькасць транспартных артэрый - мастоў, дарог. У развіцці транспартнай інфраструктуры мы з'яўляемся калегамі, а не канкурэнтамі, і ў нас агульныя інтарэсы па шэрагу напрамкаў. Трэба больш актыўна распрацоўваць сумесныя праекты, напрацоўваць рашэнні, каб мы маглі аб'яднаць нашы стратэгіі і рэсурсы і рэалізаваць гэтыя праекты ў бліжэйшы час. Хаця б у гэтай пяцігодцы", - падкрэсліў віцэ-прэм'ер.

Анатоль Калінін адзначыў, што абедзвюм краінам трэба вырашыць некаторыя складаныя пытанні, у прыватнасці, па мадэрнізацыі аўтадарог і мастоў, якія былі пабудаваны даволі даўно і не разлічаны на інтэнсіўнасць сучаснага руху. У якасці прыкладу ён прывёў мост на пагранпераходзе "Дамачава". "У Беларусі шмат увагі ўдзяляецца развіццю інфраструктуры - і авія, і аўтамабільным, і чыгуначным зносінам, гэта паслядоўнае імкненне мець свае сучасныя шляхі. Мы хочам стварыць для бізнесу неабходную хуткасць перамяшчэння і хуткасць апрацоўкі грузаў", - растлумачыў віцэ-прэм'ер і звярнуў увагу, што ў гэтым пытанні супрацоўніцтва з Польшчай таксама важнае.

"У гэтым месяцы ў мяне запланаваны перагаворы па развіцці інфраструктурных праектаў у Бруселі з двума еўракамісарамі. Мы будзем абмяркоўваць, у тым ліку, развіццё нашых трансгранічных транзітных калідораў. У гэтым плане Беларусі і Польшчы трэба супрацоўнічаць, каб агучыць на ўзроўні Еўракамісіі сумесныя прапановы, якія будуць карысныя для дзвюх дзяржаў", - рэзюмаваў Анатоль Калінін.

Міністр марской гаспадаркі і ўнутранага суднаходства Польшчы Марак Грубарчык нагадаў, што за апошнія 15 гадоў такіх актыўных кантактаў паміж Беларуссю і Польшчай у сферы развіцця транспарту яшчэ не было. "Нам удалося пакласці пачатак доўгатэрміноваму супрацоўніцтву: мы падпісалі ўжо мемарандумы па многіх галінах, будуць створаны рабочыя групы, якія будуць працаваць па гэтых напрамках", - паведаміў ён. Намечаны план работы, які складаецца з трох этапаў. Першы - гэта вырашэнне бягучых праблем, звязаных перш за ўсё з мытным афармленнем, з перамяшчэннем тавараў і людзей. Другі крок - вызначэнне сумесных планаў дзвюх краін, трэці - рэалізацыя гэтых планаў.

"Мы хацелі б развіваць супрацоўніцтва па ўсіх напрамках - і аўтамабільныя, і чыгуначныя, і авіязносіны, а таксама рачное суднаходства і выкарыстанне Беларуссю польскіх партоў. Думаю, што нашы прапановы будуць вельмі прывабнымі для беларускага боку, гэта датычыцца спрашчэння перамяшчэння па тэрыторыі Польшчы, павышэння суднаходнасці рэк", - канстатаваў ён.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс
Еўрапейскія гульні-2019 у Мінску