Еўрапейскія гульні-2019 у Мінску
Афіцыйны сайт Рэспублікі Беларусь
Свята Купалле
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

14 Крс 2017

Кабякоў адзначае станоўчы трэнд у эканоміцы Беларусі

14 красавіка, Ваўкавыск /Кар. БЕЛТА/. У эканоміцы Беларусі адзначаецца станоўчы трэнд. Аб гэтым сёння ў час рабочай паездкі па Гродзенскай вобласці заявіў журналістам прэм'ер-міністр Андрэй Кабякоў, перадае карэспандэнт БЕЛТА.

"Шэраг паказчыкаў па выніках першага квартала 2017 года паказвае, што ў эканоміцы адбываюцца станоўчыя змяненні, - адзначыў Андрэй Кабякоў. - Гэтыя паказчыкі складаюцца з канкрэтных ручайкоў, у тым ліку тых прадпрыемстваў, якія мы сёння наведваем". Ён падкрэсліў, што ў час паездкі звяртаў увагу перш за ўсё на фінансавы стан прадпрыемстваў.

"Сённяшняя паездка ўсяляе пэўны аптымізм. Так, ёсць праблемы, над якімі мы будзем працаваць, але ў цэлым, я лічу, эканоміка становіцца на станоўчы трэнд, які ў бліжэйшы час будзе яшчэ больш сур'ёзна абазначаны", - заявіў прэм'ер-міністр.

Фінансавы стан прадпрыемстваў перапрацоўкі не выклікае сумненняў. "ААТ "Беллакт" і ААТ "Ваўкавыскі мясакамбінат" былі і застаюцца флагманамі перапрацоўкі. Яны прадаўжаюць займацца мадэрнізацыяй. Гэта лішні раз пацвярджае, што пры нармальным кіраванні, нягледзячы на ўзнікаючыя праблемы, заўсёды можна прымаць эфектыўныя рашэнні, якія даюць прадпрыемствам магчымасць нармальна працаваць і развівацца", - падкрэсліў Андрэй Кабякоў.

Ён азнаёміўся з ходам веснавых палявых работ у Гродзенскай вобласці. На прыкладзе фруктовага саду КСУП "Няверавічы" Ваўкавыскага раёна разгледжана пытанне аб развіцці пладаводства ў рэгіёне. Андрэй Кабякоў таксама наведаў ААТ "Краснасельскбудматэрыялы". Акрамя таго, прэм'ер-міністру расказалі аб мерах па павелічэнні экспарту тавараў і дыверсіфікацыі рынкаў збыту ў ААТ "Беллакт". У ААТ "Ваўкавыскі мясакамбінат" абмяркоўваліся вынікі работы па тэхнічным перааснашчэнні.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс