У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

8 Жнв 2018

Японскія бізнесмены на чале з прэзідэнтам Kawasaki прыедуць у кастрычніку ў Беларусь

8 жніўня, Мінск /Кар. БЕЛТА/. Японскія бізнесмены на чале з прэзідэнтам карпарацыі Kawasaki Heavy Industries Сігэру Мураямам прыедуць у кастрычніку ў Беларусь. Аб гэтым паведаміў журналістам старшыня Пастаяннай камісіі Савета Рэспублікі па міжнародных справах і нацыянальнай бяспецы Сяргей Рахманаў, перадае карэспандэнт БЕЛТА.

"У кастрычніку ўпершыню да нас прыедзе прэзідэнт буйнейшай японскай карпарацыі Kawasaki Heavy Industries. Гэта шматмільярдная кампанія са шматмільярдным абаротам. Адначасова ён з'яўляецца і прэзідэнтам структуры Міністэрства эканомікі, гандлю і прамысловасці Японіі, якая працуе ў напрамку постсавецкіх краін", - расказаў Сяргей Рахманаў.

У структуру ўваходзіць каля 150 фірм, таму японская дэлегацыя будзе прадстаўлена некалькімі дзясяткамі бізнесменаў. "У час гэтага візіту мы будзем прапрацоўваць даволі сур'ёзныя праекты, якія цяпер рыхтуем для абмеркавання", - адзначыў старшыня Пастаяннай камісіі.

Японія - адзін з глабальных тэхналагічных лідараў у свеце, таму Беларусь зацікаўлена прыцягваць інвестыцыі і тэхналогіі з гэтай краіны. "У першую чаргу мы робім стаўку на высокія тэхналогіі. Гэта датычыцца такіх напрамкаў, як мікраэлектроніка, робататэхніка, біятэхналогіі, адытыўныя тэхналогіі", - прывёў прыклады Сяргей Рахманаў. Паводле яго слоў, разглядаецца ўдзел японскіх кампаній і ва ўжо рэалізуемых у Беларусі праектах, у тым ліку ў сферах металургіі, фармацэўтыкі, вытворчасці паперы.

"Наша задача цяпер сфарміраваць пляцоўку, дзе мы маглі б на экспертным узроўні выпрацоўваць адпаведныя рэкамендацыі, даносіць да нашых японскіх партнёраў канкрэтныя прапановы, што мы і робім, - дадаў сенатар. - Мы ўжо дамовіліся, што сфарміруем пастаянную групу, якая будзе займацца такой аналітыкай на пастаяннай аснове, а не проста ў час візітаў. Думаю, у канцы года гэта дасць пэўныя вынікі, тым больш - у наступным годзе".

Сяргей Рахманаў звярнуў увагу, што Беларуссю цікавяцца не толькі прадстаўнікі японскага бізнесу, але і фінансавыя структуры, інвестыцыйныя банкі. Так, Японскі банк міжнароднага супрацоўніцтва (JBIC) выказаў зацікаўленасць у развіцці адносін. "Спалучэнне бізнесу і фінансавых структур - гэта якраз тое, што нам патрэбна на гэтым этапе. Вельмі важна, каб з нашага боку была праяўлена адпаведная актыўнасць і па лініі профільных міністэрстваў і ведамстваў, і па лініі канкрэтных прадпрыемстваў", - рэзюмаваў сенатар.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс
Еўрапейскія гульні-2019 у Мінску