18 лютага, Мінск /Таццяна Іванюк - БЕЛТА/. Японская карпарацыя "Марубені" вывучае магчымасць пашырэння супрацоўніцтва з беларускімі партнёрамі ў хімічнай галіне. Аб гэтым паведаміў сёння журналістам ва ўрадзе Беларусі саветнік прэзідэнта карпарацыі "Марубені" Ватару Ёсіда, перадае карэспандэнт БЕЛТА.
"Мы зацікаўлены ў супрацоўніцтве з Беларуссю і хочам цяпер зрабіць упор на інвестыцыйную дзейнасць у сферы хімічнай прамысловасці", - сказаў Ватару Ёсіда.
Цяпер карпарацыя прымае ўдзел у праекце ААТ "Мазырскі НПЗ" па будаўніцтве комплексу гідракрэкінгу цяжкіх нафтавых астаткаў (выраб і пастаўка японскіх рэактараў).
"Марубені" - шматфункцыянальная гандлёвая інвестыцыйная кампанія. У ліку асноўных напрамкаў яе дзейнасці - рэалізацыя інвестпраектаў у замежных краінах, якія прадугледжваюць пастаўкі японскага абсталявання і тэхналогій у такіх сферах, як інфраструктура, здабыча, перапрацоўка і транспарціроўка энергарэсурсаў, вытворчасць хімічнай прадукцыі. "Марубені" ў якасці пастаўшчыка абсталявання сумесна з Японскім банкам для міжнароднага супрацоўніцтва прыняла ўдзел у рэалізацыі інвестпраекта па мадэрнізацыі вытворчасці поліэфірных ніцей на базе РУП "Светлагорскае ВА "Хімвалакно". Было падпісана адпаведнае крэдытнае пагадненне, якое прадугледжвае фінансаванне праекта японскім банкам у памеры $31,5 млн.