Бізнес-навіны

Якая прадукцыя будзе лічыцца таварам Саюзнай дзяржавы, расказаў міністр прамысловасці

Андрэй Кузняцоў. Фота з архiва

2 лютага, Масква /Эдуард Півавар - БЕЛТА/. На пасяджэнні Савета Міністраў Саюзнай дзяржавы, якое адбылося 2 лютага, прынята пастанова "Аб наданні прадукцыі беларускіх і расійскіх вытворцаў статусу "Тавар Саюзнай дзяржавы". Якая прадукцыя можа атрымаць гэты статус, журналістам расказаў міністр прамысловасці Беларусі Андрэй Кузняцоў, перадае карэспандэнт БЕЛТА.

Міністр растлумачыў, што таварам Саюзнай дзяржавы будзе лічыцца той, у кошце якога не менш за 50 працэнтаў беларускага або расійскага складніка. Паводле яго слоў, такі статус - гэта не толькі імідж і рэклама. "Гэта пытанне абароны нашага агульнага саюзнага рынку ад іншых пастаўшчыкоў такой жа прадукцыі. Таму што прыярытэт павінен быць таму прадукту, які вырабляецца ў Саюзнай дзяржаве. І за кошт гэтага, я думаю, мы атрымаем такія прэферэнцыі", - сказаў Андрэй Кузняцоў.

На пасяджэнні прыняты таксама пастановы Савета Міністраў СД "Аб асноўных напрамках рэалізацыі палажэнняў Дагавора аб стварэнні Саюзнай дзяржавы", "Аб выніках гандлёва-эканамічнага супрацоўніцтва Рэспублікі Беларусь і Расійскай Федэрацыі за 2024 год і студзень - лістапад 2025 года", "Аб праекце пастановы Вышэйшага дзяржаўнага савета Саюзнай дзяржавы "Аб стварэнні Камітэта па стандартызацыі і якасці Саюзнай дзяржавы".

Прыняты таксама рэзалюцыя "Аб ходзе работы па распрацоўцы стратэгіі фарміравання агульнай інфармацыйнай прасторы Саюзнай дзяржавы на перыяд 2026-2030 гады", "Аб ходзе падрыхтоўкі праектаў дакументаў, неабходных для запуску трансгранічных прыгарадных пасажырскіх зносін Саюзнай дзяржавы чыгуначным транспартам" і шэраг іншых дакументаў.

версія для друку

зрабіць стартавай

дабавіць у выбранае