Бізнес-навіны

Як айчынныя камбайны вытрымліваюць уборку ў складаных умовах надвор'я? Сітуацыю ацаніў Лукашэнка

24 ліпеня, Смалявіцкі раён /Кар. БЕЛТА/. Прэзідэнт Беларусі Аляксандр Лукашэнка ў час рабочай паездкі ў Смалявіцкі раён ацаніў, як айчынная тэхніка спраўляецца на ўборачнай кампаніі ў складаных умовах надвор'я гэтага сезона, перадае карэспандэнт БЕЛТА.

Аляксандр Лукашэнка ў гаспадарцы "Азярыцкі-Агра" азнаёміўся з уборкай азімага ячменю з выкарыстаннем айчыннай тэхнікі. Гэта культура ва ўрочышчы "Фрэгат" была пасеяна на плошчы 123 га. Ураджайнасць - 70 ц/га, што значна вышэй за сярэднюю па краіне. Такая высокая ўраджайнасць разам са складанымі ўмовамі надвор'я прад'яўляе асаблівыя патрабаванні да тэхнікі. На ўборцы задзейнічаны перадавыя айчынныя збожжаўборачныя камбайны GS12A1 PRO.

"Гэта мара. Калі ён (камбайн. - Заўвага БЕЛТА) якасны - гэта мара. А калі добры механізатар на камбайне працуе..." - заўважыў Прэзідэнт.

Кіраўнік дзяржавы ўспомніў, як сам упершыню выпрабоўваў гэту тэхніку ў полі: "Страшна глядзець зверху - карабель".

Аляксандр Лукашэнка нагадаў, як у першыя гады яго прэзідэнцтва ў Беларусі прапаноўвалі не займацца распрацоўкай і выпускам айчынных камбайнаў, а закупляць гэту тэхніку за мяжой.

Каб даведацца пра якасць камбайна з першых вуснаў, Прэзідэнт паразмаўляў з механізатарам і падрабязна распытаў яго аб добрых якасцях і недахопах гэтай айчыннай тэхнікі. Аграрый прызнаўся, што працуе на гэтай мадэлі першы год, таму стараецца весці акуратна - да новага камбайна яшчэ трэба прыстасавацца.

"Я і бачу, што ты акуратна ідзеш. І правільна робіш! - сказаў механізатару Аляксандр Лукашэнка. - Ты перспектыву ў гэтага камбайна бачыш? Ён павінен быць, яго трэба рабіць?" Работнік адказаў, што намалаціў на GS12A1 ужо сто тон, і пакуль нараканняў не было.

"Камбайн добры. Будзем рабіць, - рэзюмаваў беларускі лідар. - Значыць, правільна зрабілі, што гэты камбайн пачалі вырабляць".

Але тэхніку мала проста вырабіць - яе яшчэ трэба зберагчы. Аб гэтым таксама ішла размова. Прэзідэнт сказаў пра недапушчальнасць сітуацый, калі машыны, якія выйшлі са строю, проста кідаюць "пад плот" замест таго, каб паспрабаваць аднавіць. Кіраўнік дзяржавы ўпэўнены: калі добра адносіцца да айчынных камбайнаў, то тэрмін іх службы можа быць супастаўны з замежнымі аналагамі. Акрамя таго, замежная тэхніка значна перавышае па цане айчынную. Так было і ў тыя гады, калі Аляксандр Лукашэнка сам кіраваў гаспадаркай.

"Камбайн купіш, памятаю, з ГДР - быццам нічога. А запчасткі дарагаватыя тады былі", - прывёў прыклад з уласнага вопыту Прэзідэнт.

Камбайн GS12A1 разлічаны на ўборку самага складанага збожжа, а мадыфікацыя PROFI дазваляе ўбіраць максімальную колькасць збожжавых і крупяных культур. Тэхніка аснашчана поўным прывадам, што падыходзіць для работы ў цяжкіх умовах: пры зацяжных дажджах, дрэннай праходнасці і нізкай нясучай здольнасці глебы.

версія для друку

зрабіць стартавай

дабавіць у выбранае