Бізнес-навіны

Губернатар Прыморскага края заявіў аб пераходзе на доўгатэрміновыя кантракты ў гандлі з Беларуссю

1 чэрвеня, Мінск /Кар. БЕЛТА/. Губернатар Прыморскага края Расіі Алег Кажамяка заявіў аб пераходзе на доўгатэрміновыя кантракты ў супрацоўніцтве з беларускімі прадпрыемствамі. Аб гэтым ён паведаміў журналістам па выніках сустрэчы з Прэзідэнтам Беларусі Аляксандрам Лукашэнкам, перадае карэспандэнт БЕЛТА.

Гаворачы аб гандлёва-эканамічным супрацоўніцтве, кіраўнік рэгіёна падкрэсліў пазітыўныя вынікі ва ўзаемным гандлі за першы квартал бягучага года - больш за 7 млрд расійскіх рублёў, што, паводле яго слоў, істотна перавышае паказчыкі мінулага года. Прычым рост дэманструюць як экспарт, так і імпарт, гэта значыць, такое супрацоўніцтва выгадна абодвум бакам, звярнуў увагу Алег Кажамяка.

"Пераходзім з Рэспублікай Беларусь на лізінгавыя доўгатэрміновыя кантракты. Яны даюць магчымасці пашырыць гарызонт планавання на некалькі гадоў, што вельмі выгадна для прадпрыемстваў", – адзначыў ён.

Такім чынам ужо выбудоўваецца ўзаемадзеянне Прыморскага края з беларускім МАЗам - пяцігадовы кантракт на пастаўку аўтамабіляў хуткай дапамогі, спецыяльна дапрацаваных з улікам асаблівасцей рэльефу рэгіёна. Аналагічныя доўгатэрміновыя кантракты плануюцца на закупцы ў Беларусі аўтобусаў. Акрамя таго, Прыморскі край ставіць перад сабой задачу атрымаць пяцігадовы кантракт і на пастаўку ліфтаў "Магілёўліфтмаша". Патрэбнасці рэгіёна - каля 500-600 адзінак у год.

версія для друку

зрабіць стартавай

дабавіць у выбранае