Бізнес-навіны

Гомельская вобласць і кітайская правінцыя Цзілінь маюць намер устанавіць пабрацімскія сувязі

Фота з архiва

29 жніўня, Гомель /Кар. БЕЛТА/. Па выніках візіту дэлегацыі Гомельскай вобласці, якую ўзначальвае старшыня аблвыканкама Іван Крупко, у кітайскі горад Чанчунь правінцыі Цзілінь прынята рашэнне аб падрыхтоўцы намеру аб падпісанні пагаднення аб пабрацімскіх адносінах Гомельскай вобласці і правінцыі Цзілінь, паведамілі БЕЛТА ў Гомельскім аблвыканкаме.

У размове з кітайскімі журналістамі Іван Крупко звярнуў увагу: "Пры ўдзеле КНР у Гомельскай вобласці створана дзве юрыдычныя асобы па будаўніцтве хуткаўзводзімых домакамплектаў з металаканструкцый, а таксама па перапрацоўцы дзікаросаў, якія будуць збірацца ў Беларусі. Абмяркоўваецца таксама праект па стварэнні вытворчасці аўтамабіляў, цяпер разглядаюцца ўсе фактары і магчымасці".

"Трыццаць гадоў беларускі народ сябруе з Кітаем. Нашы дзяды і прадзеды заваявалі Вялікую Перамогу, а мы ў мірнай абстаноўцы павінны наладжваць сувязі, развіваць свае краіны, каб нашы народы жылі дастойна", - зрабіў акцэнт Іван Крупко.

Ён падкрэсліў, што для далейшай цеснай работы бізнесу з двух рэгіёнаў неабходна стварыць цэнтры для абмену інфармацыяй, або своеасаблівага прадстаўніцтва. Над гэтым цяпер будуць працаваць Гомельская вобласць і правінцыя Цзілінь, дадалі ў аблвыканкаме.

Дэлегацыя Гомельскай вобласці, у складзе якой кіраўнікі буйных прамысловых і перапрацоўчых прадпрыемстваў паўднёва-ўсходняга беларускага рэгіёна, у час візіту ў КНР прыняла ўдзел у Кітайска-Паўночна-Усходняй Азіяцкай выставе ў горадзе Чанчунь, прадставіла свой патэнцыял на бізнес-форуме Гомельскай вобласці і горада Чанчунь, правяла шэраг дзелавых сустрэч і перагавораў, наведала шэраг прадпрыемстваў і арганізацый.

версія для друку

зрабіць стартавай

дабавіць у выбранае