Афіцыйны сайт Рэспублікі Беларусь
Бізнес
Выдатныя мясціны Беларусі
Каляндар падзей у Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

9 Jan 2023

Гендырэктар "Белшыны": прадпрыемства ў 2022 годзе працавала эфектыўна, нягледзячы на санкцыі

Гендырэктар
Фота з архiва

9 студзеня, Мінск /Кар. БЕЛТА/. ААТ "Белшына" ў 2022 годзе працавала эфектыўна, нягледзячы на санкцыі. Аб гэтым заявіў генеральны дырэктар прадпрыемства Андрэй Бунакоў у інтэрв'ю часопісу "Вестник "Белнефтехима", паведамляе БЕЛТА.

"У 2022 годзе ААТ "Белшына" працавала эфектыўней, чым у 2021-м, нягледзячы на санкцыйныя меры. У існуючых умовах гаспадарання дзейнасць прадпрыемства вызначаецца стабільнасцю. Спецыялісты "Белшыны" ўнеслі змяненні ў маркетынгавую стратэгію з улікам дзеянняў асноўных канкурэнтаў і валацільнасці курсаў валют. У той жа час на прадпрыемстве прадаўжаецца планамерная работа па зніжэнні выдаткаў у частцы аптымізацыі затрат", - расказаў Андрэй Бунакоў.

У чэрвені мінулага года кіраўнік дзяржавы паставіў перад прадпрыемствам шэраг задач. "Асноўная - работа ў галіне імпартазамяшчэння. Акрамя таго, як і іншым прамысловым прадпрыемствам, "Белшыне" неабходна сканцэнтраваць намаганні на дыверсіфікацыі рынкаў збыту і ўмацоўваць дзелавыя кантакты ў першую чаргу з Расіяй, а таксама з іншымі краінамі, якія ідуць па шляху прагрэсу і канструктыўнага ўзаемавыгаднага гандлёва-эканамічнага супрацоўніцтва, напрыклад з Кітаем. Для пашырэння сваёй прысутнасці ў сегменце шыннай прадукцыі і для нарошчвання аб'ёмаў яе выпуску мы прадоўжым мадэрнізацыю вытворчых баз на заводах", - адзначыў гендырэктар прадпрыемства.

З-за перамен на сусветным рынку асноўнай задачай для прадпрыемства было пераразмеркаванне аб'ёмаў рэалізацыі, якія вызваліліся, на традыцыйныя рынкі збыту Беларусі і РФ. Іх доля ў вартасным выражэнні ў агульным аб'ёме продажаў прадпрыемства за 11 месяцаў 2022 года склала 49,8 працэнта і 44,5 працэнта адпаведна. "Самай далёкай краінай збыту ў 2022 годзе стаў Афганістан. А што датычыцца самага блізкага па тэрытарыяльнай прыкмеце спажыўца, то гэта холдынг "Бабруйскаграмаш", які размешчаны побач з ААТ "Белшына" - цераз дарогу", - адзначыў Андрэй Бунакоў.

Ён таксама расказаў аб сумесным праекце канцэрна "Белнафтахім", Міністэрства прамысловасці і ААТ "БЕЛАЗ" - кіруючая кампанія холдынга "БЕЛАЗ-Холдынг". ААТ "Белшына" прапрацуе магчымасць павелічэння вытворчых магутнасцей па выпуску суцэльнаметалакордных шын радыяльнай канструкцыі пасадачным дыяметрам 57 цаляў. Яны неабходныя для камплектацыі айчынных кар'ерных самазвалаў грузападымальнасцю 240 т, а таксама для забеспячэння ўнутранага рынку РФ. "Сусветны попыт на кар'ерную тэхніку зноў пайшоў у рост, і ні БЕЛАЗ, ні мы не павінны ўпусціць такую магчымасць", - падкрэсліў гендырэктар прадпрыемства.

Паводле яго слоў, абмяркоўваецца і супрацоўніцтва з МТЗ, у прыватнасці магчымасць пад патрэбнасць трактарнага завода арганізаваць вытворчасць рызінатросавай гусеніцы.-0-

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі