У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

21 Врс 2018

Гандлёвым саветнікам дыпмісій прадставяць эканамічны і інвестыцыйны патэнцыял Беларусі

Гандлёвым саветнікам дыпмісій прадставяць эканамічны і інвестыцыйны патэнцыял Беларусі

21 верасня, Мінск /Кар. БЕЛТА/. Гандлёвым саветнікам дыпламатычных місій, акрэдытаваных у Беларусі, сёння прадставяць эканамічны і інвестыцыйны патэнцыял краіны на сустрэчы з кіраўнікамі беларускіх прадпрыемстваў. Мерапрыемства прымеркавана да Дня гандлёвага саветніка, які штогод арганізуе Беларуская гандлёва-прамысловая палата, паведаміў журналістам старшыня БелГПП Уладзімір Улаховіч, перадае карэспандэнт БЕЛТА.

"Такія сустрэчы - ужо традыцыя. Іх мэта ў тым, каб паказаць нашы прадпрыемствы, прадукцыю, нашы магчымасці прадстаўнікам розных дзяржаў, абмеркаваць арганізацыю выставак у розных краінах, дамовіцца аб кантактах. Дыпламаты, якія акрэдытаваны ў нашай краіне, маюць патрэбу ў інфармацыі пра Беларусь, пра тое, які наш экспартны патэнцыял. Напрыклад, не трэба ехаць у Афрыку, каб сустрэцца з прадстаўнікамі Ганы, Кеніі, Нігерыі - з тымі людзьмі, якія адказваюць за развіццё гандлёва-эканамічных сувязей. А калі мы гаворым аб Афрыканскім кантыненце, там наша прадукцыя запатрабавана", - сказаў Уладзімір Улаховіч.

Ён адзначыў, што вялікі інтарэс з боку як беларускіх прадпрыемстваў, так і прадстаўнікоў дыпмісій розных краін выклікаюць такія сустрэчы. "Колькасць удзельнікаў расце кожны год. Сёння на сустрэчы прадстаўлена каля 40 краін, таксама ў спісе больш за 130 беларускіх прадпрыемстваў. Гэта ўнікальная магчымасць для прасоўвання сваёй прадукцыі, для размовы з прадстаўнікамі такіх далёкіх краін, як, напрыклад, Бразілія, Лаос, Бангладэш", - дадаў старшыня БелГПП.

Праграма мерапрыемства ўключае пленарную частку з прэзентацыяй эканамічнага і інвестыцыйнага патэнцыялаў краіны, а таксама перагаворы прадстаўнікоў беларускага бізнесу і гандлёвых саветнікаў з дыпламатычных місій, якія знаходзяцца ў Беларусі, а таксама ў Расіі і акрэдытаваных у Беларусі па сумяшчальніцтве. У фармаце B2D будуць абмеркаваны перспектывы ўзаемадзеяння па пашырэнні экспарту, праблемныя пытанні збыту беларускай прадукцыі.

Запланавана і наведванне СЗАТ "БЕЛДЖЫ", дзе дыпламаты азнаёмяцца з работай першага ў Беларусі завода поўнага цыкла па вытворчасці легкавых аўтамабіляў. "На такіх сустрэчах важна паказаць нашы новыя праекты, новыя напрамкі, якія развіваюцца ў Беларусі. Гэта машынабудаванне, аўтакампаненты. Таму мы даём магчымасць наведаць наша новае прадпрыемства і прапануем набываць нашу прадукцыю", - сказаў Уладзімір Улаховіч.

Архіў
Пн Аўт Сер Чцв Пт Сб Нядз
Конкурс перакладаў раней невядомага верша Максіма Багдановіча
Помнікі Вялікай Айчыннай вайны ў Беларусі
Партызанскі летапіс
Еўрапейскія гульні-2019 у Мінску