Бізнес-навіны

Галоўчанка: інфляцыя ў Беларусі па выніках 2020 года будзе ў межах 6-7 працэнтаў

Фота з архiва

28 снежня, Мінск /Кар. БЕЛТА/. Інфляцыя ў Беларусі па выніках 2020 года будзе ў межах 6-7 працэнтаў. Такі прагноз зрабіў прэм'ер-міністр Раман Галоўчанка ў праграме "Галоўны эфір" на тэлеканале "Беларусь 1", паведамляе БЕЛТА.

Кіраўнік урада звярнуў увагу, што гэты паказчык большы за мэтавыя 5 працэнтаў, запланаваныя на бягучы год. "Але я лічу, у цяперашніх умовах гэта не столькі недапрацоўка, колькі, можа быць, нават дасягненне, што ўдалося не выпусціць (інфляцыю. - Заўвага БЕЛТА) у больш высокі калідор", - адзначыў Раман Галоўчанка.

Прэм'ер-міністр таксама расказаў, што пералік сацыяльна значных тавараў у 2021 годзе будзе пашыраны, у гэтым спісе будзе больш за 70 пазіцый. "Гэта тыя тавары, па якіх насельніцтва адчувае на сабе рост цэн", - растлумачыў Раман Галоўчанка.

Разам з тым ва ўрадзе ўсведамляюць, што калі ўстанавіць цэны, па якіх нявыгадна прадаваць тавар, то прадукт знікне з рынку. "Урад будзе ўсімі рыначнымі спосабамі рэгуляваць, каб не дапусціць неабгрунтаванага росту цэн на гэтыя пазіцыі", - сказаў прэм'ер-міністр.

версія для друку

зрабіць стартавай

дабавіць у выбранае