Бізнес-навіны

Галоўчанка: Беларусь і Расія здольны дасягнуць максімальнай імпартанезалежнасці ў сельгасмашынабудаванні

27 лютага, Мінск /Кар. БЕЛТА/. У Беларусі і Расіі ёсць дастаткова сумесных кампетэнцый, ведаў і вопыту для таго, каб дабіцца максімальнай імпартанезалежнасці ў пытаннях сельгасмашынабудавання Саюзнай дзяржавы. Аб гэтым заявіў прэм'ер-міністр Беларусі Раман Галоўчанка на сустрэчы з генеральным дырэктарам ПАТ "Кіраўскі завод", старшынёй праўлення Саюза прамыслоўцаў "Прагрэс" Сяргеем Серабраковым, перадае карэспандэнт БЕЛТА.

"Саюз прамыслоўцаў "Прагрэс" быў заснаваны ў 2022 годзе, - звярнуў увагу Раман Галоўчанка. - Мэта яго стварэння - пашырэнне канструктыўнага кааперацыйнага ўзаемадзеяння вытворцаў Беларусі і Расіі".

На гэтым шляху зроблена ўжо нямала з пункту гледжання развіцця кааперацыйных паставак, лічыць прэм'ер-міністр. Разам з тым у Беларусі і Расіі ёсць дастаткова сумесных кампетэнцый, ведаў і вопыту для таго, каб дабіцца максімальнай імпартанезалежнасці ў пытаннях сельгасмашынабудавання Саюзнай дзяржавы.

"Вельмі важна праводзіць сумесную ўзгодненую палітыку для таго, каб дасягнуць асноўных мэт - гэта значыць стаць поўнасцю самадастатковымі ў пытанні сельскагаспадарчага машынабудавання", - канстатаваў Раман Галоўчанка.

версія для друку

зрабіць стартавай

дабавіць у выбранае