Афіцыйны сайт Рэспублікі Беларусь
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

22 Dec 2021

Галоўчанка абазначыў задачы Банка развіцця па садзейнічанні росту нацыянальнай эканомікі

Галоўчанка абазначыў задачы Банка развіцця па садзейнічанні росту нацыянальнай эканомікі

22 снежня, Мінск /Кар. БЕЛТА/. Ключавая задача Банка развіцця – рэалізацыя ў поўным аб'ёме функцыі асноўнага фінансавага інстытута ўрада. Аб гэтым заявіў прэм'ер-міністр Раман Галоўчанка ў час пасяджэння наглядальнага савета Банка развіцця, паведамілі БЕЛТА ў прэс-службе ўрада.

Традыцыйна ў снежні разглядаюцца дакументы, якія будуць вызначаць дзейнасць банка на чарговы год. "Забеспячэнне эфектыўнага функцыянавання эканомікі ў 2022 годзе, выкананне ключавых паказчыкаў развіцця краіны на будучы год ставіць перад усімі напружаныя, але пасільныя задачы. У наступным годзе нам давядзецца  працаваць у няпростых умовах. Мяркую, што з гэтага трэба зыходзіць і пры зацвярджэнні асноўных паказчыкаў дзейнасці Банка развіцця на наступны год", - сказаў Раман Галоўчанка.

Паводле яго слоў, дасягненне ў 2022 годзе намечаных мэт патрабуе не толькі рэсурснай падтрымкі банка, але і генерацыі новых, нестандартных рашэнняў. "Паспяховае выкананне банкам асноўных паказчыкаў павінна садзейнічаць росту нацыянальнай эканомікі ў няпростых умовах 2022 года. Перакананы, што кіраўніцтва і калектыў Банка развіцця маюць дастатковы патэнцыял і кампетэнцыі для аператыўнага і якаснага вырашэння ўсяго спектра пастаўленых задач", - адзначыў прэм'ер-міністр.

У час пасяджэння Раман Галоўчанка прадставіў новага члена складу наглядальнага савета Банка развіцця Паўла Пазднякова - генеральнага дырэктара ААТ "Пеленг".

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі