11 чэрвеня, Гомель /Валерый Сідорчык - БЕЛТА/. Дасягненні Беларускага металургічнага завода за 2012 год у сацыяльнай сферы і ў сферы аховы навакольнага асяроддзя пераўзышлі ўзровень, устаноўлены вядомай французскай кампаніяй
Michelin для пастаўшчыкоў у забеспячэнцкім ланцужку.Аб гэтым карэспандэнту БЕЛТА паведамілі ў прэс-службе прадпрыемства.Вывад аб партнёрскім даверы да беларускага вытворца быў зроблены на аснове вынікаў экспертнай ацэнкі, праведзенай па заказу кампаніі на платформе
EcoVadis. Пратформа дае магчымасць кліентам праводзіць маніторынг рызык у рамках базы пастаўшчыкоў, якая пакрывае больш як 100 краін. З улікам таго, што падрыхтаванасць партнёраў у галіне сацыяльнай адказнасці і аховы навакольнага асяроддзя з'яўляецца складальнікам крытэрыю Michelin па выбары пастаўшчыкоў, такая ацэнка будзе садзейнічаць далейшаму развіццю дзелавога супрацоўніцтва паміж французскай кампаніяй і беларускім прадпрыемствам.БМЗ на працягу 11 гадоў пастаўляе ў вялікіх аб'ёмах на прадпрыемствы транснацыянальнай кампаніі металакорд і дрот для бартавых кольцаў, якія выкарыстоўваюцца для вытворчасці аўтамабільных шын. У 2009 годзе БМЗ быў прызнаны лепшым пастаўшчыком гэтых відаў прадукцыі кампаніі
Michelin.Беларускі металургічны завод (ААТ "БМЗ" - кіруючая кампанія холдынга "БМК") заснаваны ў 1984 годзе. Прадпрыемства спецыялізуецца на вытворчасці літай загатоўкі, фасоннага, сортнага і арматурнага пракату, металакорду, РМЛ і іншых відаў дроту. Пастаўкі таварнай прадукцыі за межы рэспублікі складаюць больш як 80 працэнтаў ад аб'ёму вытворчасці. На прадпрыемстве працуюць больш як 12 тыс. чалавек.
Пн | Аўт | Сер | Чцв | Пт | Сб | Нядз |
---|