У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

29 Стд 2018

Fitch павысіла доўгатэрміновы рэйтынг Беларусі да ўзроўню "В"

29 студзеня, Мінск /Кар. БЕЛТА/. Fitch Ratings павысіла доўгатэрміновы рэйтынг дэфолту эмітэнта Беларусі ў замежнай і нацыянальнай валюце да ўзроўню "B" з "B-" з прагнозам "стабільны". Такія даныя прыведзены ў прэс-рэлізе агенцтва, паведамляе БЕЛТА.

У якасці ключавога фактару, які паўплываў на павышэнне рэйтынгу, Fitch вылучае зніжэнне рызык рэфінансавання ў выніку папераджальных пазык урада і нарошчвання золатавалютных рэзерваў.

У сувязі з гэтым патрэбнасць у пагашэнні знешняга доўгу ў замежнай валюце ў памеры Br2,6 млрд будзе пакрыта шляхам прыцягнення знешняга фінансавання ад міжнародных арганізацый, пазык на ўнутраным рынку і выкарыстання накопленых міжнародных рэзерваў.

Патрэбнасць Беларусі ў знешнім фінансаванні (дэфіцыт бягучага рахунку з улікам пагашэння сярэдне- і доўгатэрміновага доўгу), паводле ацэнкі Fitch, істотна зменшылася. Калі ў 2014 годзе патрэбнасць ацэньвалася на ўзроўні 223 працэнты ад узроўню міжнародных рэзерваў, то цяпер яна складае ўсяго 101 працэнт.

Устойлівасць зніжэння рызык рэфінансавання будзе залежаць ад захавання прагрэсу ў дыверсіфікацыі крыніц знешняга фінансавання.

У якасці яшчэ аднаго фактару павышэння рэйтынгу Fitch адзначае паляпшэнне каардынацыі паміж падаткова-бюджэтнай і грашова-крэдытнай палітыкамі, павышэнне гібкасці абменнага курсу, падтрыманае значнымі поспехамі ў зніжэнні інфляцыі. Дэфіцыт бягучага рахунку застаецца пад кантролем.

У дынаміцы рэйтынгу таксама ўлічаны паляпшэнні ўмоў гандлю, рызыкі фінансавага сектара, стан дзяржаўнага бюджэту і перспектывы эканамічнага росту.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс