8 жніўня, Мінск /Кар. БЕЛТА/. Агенцтва Fitch Ratings пацвердзіла доўгатэрміновы суверэнны крэдытны рэйтынг Беларусі на ўзроўні "B-" і кароткатэрміновы рэйтынг на ўзроўні "В" з прагнозамі "стабільны", паведамляе БЕЛТА.
Fitch ацэньвае сярэдні рост рэальнага ВУП Беларусі за 5 гадоў да 2016 года ў памеры мінус 0,1 працэнта, эканоміка ўпала ў першым паўгоддзі бягучага года на 2,5 працэнта. Агенцтва чакае вяртанне ўмеранага росту ў 2017 годзе. Яно будзе выклікана паляпшэннем знешніх умоў, але ўнутраны попыт будзе заставацца слабым.
Fitch таксама ацаніла агульную патрэбнасць краіны ў знешнім фінансаванні - на іх думку, яна складае 182 працэнты ад валютных рэзерваў.
Fitch Ratings Inc. - амерыканская карпарацыя, якая нараўне са Standard & Poor’s і Moody's уваходзіць у "вялікую тройку" міжнародных рэйтынгавых агенцтваў.