Бізнес-навіны

Як растлумачыла Наталля Галота, гэта тэма ўжо абмяркоўвалася на сустрэчы з генеральным дырэктарам швейцарскай кампаніі Stadler Rail Group Петэрам Шпулерам. Размова ішла аб наладжванні супрацоўніцтва з заводам "Штадлер Мінск" у Фаніпалі Дзяржынскага раёна, а ў будучым - з іншымі заводамі ў Еўрапейскім рэгіёне, дзе выпускаецца прадукцыя пад маркай Stadler. "Наша электроніка выкарыстоўваецца ў электрапаяздах "Сапсан", распрацаваных кампаніяй Siemens спецыяльна для расійскага рынку. Яна была пратэсціравана і паспяхова працуе ў гэтых паяздах, таму нашаму заводу ў гэтым плане ёсць што прапанаваць", - адзначыла Наталля Галота.

Акрамя таго, ААТ "ЭНЭФ" зацікаўлена ў пастаўцы камплектуючых для вагонаў метро. Не выключана, што ў будучым Stadler Rail Group створыць у Беларусі адпаведную вытворчасць. "Мы пастаўляем ужо у Санкт-Пецярбург святлодыёдныя лінейкі, які выкарыстоўваюцца для асвятлення вагонаў метро, і гатовы прапанаваць якасную прадукцыю заводам Stadler", - дадала дырэктар прадпрыемства.

ААТ "ЭНЭФ" заснавана ў 1991 годзе. Сёння ў прадпрыемства 17 акцыянераў з Беларусі, Расіі і Нідэрландаў. "ЭНЭФ" выпускае больш за 260 мадыфікацый электронных пускарэгулюючых апаратаў (АПРА) для люмінесцэнтных лямпаў, натрыевых лямпаў высокага ціску і металагалагенных лямпаў, бактэрыцыдных лямп; крыніцы сілкавання для святлодыёдаў; святлодыёдныя модулі; свяцільні з ЭПРА для знадворнага і вулічнага асвятлення, транспартных сродкаў; святлодыёдныя свяцільні; паўправадніковыя выпрамляльныя прыборы і блокі для электразварачнага абсталявання і крыніц сілкавання. Гэтыя вырабы выкарыстоўваюцца пры вытворчасці тэхнікі на беларускіх заводах, у прыватнасці, у ААТ "Мінскі аўтамабільны завод", ЗАТ "Атлант", а таксама замежных прадпрыемствах.