Бізнес-навіны

Экспарт рапсавага алею праз БУТБ у студзені вырас амаль у 10 разоў

2 лютага, Мінск /Кар. БЕЛТА/. Экспарт рапсавага алею праз Беларускую ўніверсальную таварную біржу ў студзені вырас амаль у 10 разоў адносна аналагічнага перыяду 2020 года, дасягнуўшы $8,4 млн, паведаміў карэспандэнту БЕЛТА прэс-сакратар БУТБ Раман Яніў.

"Беларускі рапсавы алей на біржавых таргах куплялі кампаніі з сямі краін. Кітай заняў другое месца па суме здзелак з гэтай прадукцыяй, абышоўшы лідараў мінулага года - Латвію, Эстонію і Швейцарыю. Дарэчы, пастаўкі айчыннага рапсавага алею ў КНР праз біржавую пляцоўку пачаліся толькі ў гэтым годзе. Аб'ёмы закупак пакуль невялікія, паколькі кітайскія кампаніі ўсё яшчэ вывучаюць беларускі рынак. Па выніках двух гандлёвых сесій ажыццёўлены здзелкі на агульную суму $1,3 млн. Пры гэтым ёсць перадумовы для істотнага павелічэння экспартных паказчыкаў. У першую чаргу гэта рост колькасці акрэдытаваных на біржы кампаній з Кітая. Толькі за мінулы тыдзень да нас прыйшлі два новыя ўдзельнікі", - расказаў Раман Яніў.

Чакаецца, што прыход кітайскіх кампаній на біржавую пляцоўку будзе садзейнічаць павышэнню ўзроўню канкурэнцыі ў ходзе таргоў, што дасць магчымасць беларускім экспарцёрам атрымліваць дадатковую выручку. Наглядным прыкладам сталі нядаўнія экспартныя таргі лесапрадукцыяй, калі кошт піламатэрыялаў хвойных парод перавысіў 200 еўра за куб.м.

ААТ "Беларуская ўніверсальная таварная біржа" створана ў 2004 годзе. Першыя таргі адбыліся ў чэрвені 2005 года. БУТБ - адна з буйнейшых таварных біржаў ва Усходняй Еўропе. Галоўная функцыя біржы - садзейнічанне беларускім прадпрыемствам у экспарце прадукцыі і дапамога замежным кампаніям у выхадзе на беларускі рынак. На біржы прадаюцца метала-, леса-, сельгаспрадукцыя, прамысловыя і спажывецкія тавары шырокай наменклатуры.

версія для друку

зрабіць стартавай

дабавіць у выбранае