Афіцыйны сайт Рэспублікі Беларусь
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

10 Jan 2022

Экспарт МТЗ у 2021 годзе вырас амаль на 25 працэнтаў

Экспарт МТЗ у 2021 годзе вырас амаль на 25 працэнтаў
Фота з архiва

10 студзеня, Мінск /Кар. БЕЛТА/. Мінскі трактарны завод у 2021 годзе павялічыў экспарт амаль на чвэрць у параўнанні з 2020 годам. Такія папярэднія даныя карэспандэнту БЕЛТА паведамілі ў маркетынг-цэнтры ААТ "МТЗ".

Усяго за мяжу пастаўлена больш за 36 тыс. трактароў і машын. Пры гэтым у 2021 годзе ў далёкае замежжа МТЗ паставіў прадукцыі на 41,6 працэнта больш, чым у пазамінулым. "Сярод краін так званай далёкай дугі асабліва хочацца адзначыць істотнае павелічэнне паставак у Пакістан і Егіпет, а таксама на Кубу. Нягледзячы на няпростыя адносіны з Еўрапейскім саюзам, Мінскаму трактарнаму заводу таксама ўдалося нарасціць прысутнасць на некаторых рынках, напрыклад, у Венгрыі, Польшчы і Румыніі. У цэлым тэмп росту экспарту ў краіны Еўропы перасягнуў 120 працэнтаў", - расказаў начальнік аддзела маркетынгавых даследаванняў і статыстыкі маркетынг-цэнтра МТЗ Віталь Прышчэп.

У краіны блізкага замежжа экспартныя пастаўкі прадукцыі выраслі на 20,4 працэнта. На постсавецкай прасторы ў лідарах па аб'ёме традыцыйна Расія - туды пастаўлена больш за 13,5 тыс. адзінак тэхнікі. Ва Украіну прададзена 6,2 тыс. трактароў, у Казахстан - 4,1 тыс. Тэмп росту экспарту ў гэтыя краіны склаў 104,2 працэнта, 173,4 працэнта і 105,5 працэнта адпаведна.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі