Афіцыйны сайт Рэспублікі Беларусь
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

27 Ліс 2017

Экспарт малочнай прадукцыі прадпрыемстваў Мінсельгасхарча ў Кітай за студзень-верасень вырас у 12 разоў

27 лістапада, Мінск /Кар. БЕЛТА/. Экспарт малочнай прадукцыі прадпрыемстваў Міністэрства сельскай гаспадаркі і харчавання Беларусі ў Кітай за студзень-верасень вырас у 12 разоў, паведаміў сёння на прэс-канферэнцыі начальнік галоўнага ўпраўлення знешнеэканамічнай дзейнасці Мінсельгасхарча Аляксей Багданаў, перадае карэспандэнт БЕЛТА.

"За дзевяць месяцаў аб'ём экспартных паставак малочнай прадукцыі ў Кітай вырас у 12 разоў і перасягнуў суму ў памеры $4,5 млн. Гэта невялікая лічба ў агульным аб'ёме нашага экспарту, але мы толькі нядаўна адкрылі кітайскі рынак і цяпер актыўна яго асвойваем", - сказаў Аляксей Багданаў.

Па выніках работы за дзевяць месяцаў сельгаспрадукцыя пастаўлялася ў 65 краін. За гэты перыяд экспарт сельгаспрадукцыі ў краіны СНД (акрамя Расіі) вырас больш як у два разы і склаў $118,5 млн. Забяспечаны таксама рост экспарту сельгаспрадукцыі ў такія краіны, як Азербайджан, Арменія, Казахстан, Пакістан, Малдова, Украіна.

Знешнеэканамічная дзейнасць за дзевяць месяцаў 2017 года характарызавалася прыростам у цэлым па сістэме Мінсельгасхарча на 11 працэнтаў. Усяго ў студзені-верасні прадпрыемствы Мінсельгасхарча экспартавалі сельгаспрадукцыі на суму $1,844 млрд, што на $184 млн больш, чым за аналагічны перыяд мінулага года.-0-

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі