У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

12 Лют 2015

Экспарт беларускіх тавараў у Францыю перасягнуў у 2014 годзе $100 млн

12 лютага, Мінск /Кар. БЕЛТА/. Экспарт беларускіх тавараў у Францыю перасягнуў у 2014 годзе $100 млн. Аб гэтым паведаміў сёння пасол Беларусі ў Францыі Павел Латушка ў час адкрыцця I Беларуска-французскага бізнес-форуму, перадае карэспандэнт БЕЛТА.

"Упершыню за апошнія 10 гадоў у 2014 годзе экспарт беларускіх тавараў у Францыю перасягнуў сімвалічны рубеж $100 млн. Па выніках мінулага года мы паставілі на французскі рынак тавараў на суму $110 млн, а тэмп росту экспарту склаў 120 працэнтаў", - адзначыў ён.

Павел Латушка падкрэсліў, што гэта яшчэ не адпавядае патэнцыялу ні Беларусі, ні Францыі. "Каб актывізаваць нашы адносіны, мы сканцэнтравалі сваю ўвагу на арганізацыі прэзентацый эканомікі Беларусі ў рэгіёнах Францыі. За апошнія 2 гады мы правялі 18 такіх прэзентацый, іх наведалі прадстаўнікі каля 450 французскіх кампаній", - растлумачыў ён. Пасол адзначыў, што французскія інвестыцыі ў Беларусь у мінулым годзе склалі каля $5 млн.

"Для развіцця нашых адносін важна і правядзенне першага пасяджэння сумеснай беларуска-французскай камісіі па эканамічным супрацоўніцтве. Нашы краіны да гэтага ішлі 20 гадоў, і гэта таксама падкрэслівае, наколькі мы зацікаўлены актывізаваць адносіны ў сферы эканомікі", - падкрэсліў Павел Латушка. Паводле яго слоў, на пасяджэнні будуць абмяркоўвацца практычна ўсе сферы эканомікі, у тым ліку і пытанні энергетыкі, сельскай гаспадаркі, фармацэўтыкі, транспарту, турызму.

I Беларуска-французскі бізнес-форум, на які прыехалі кампаніі з больш як 15 гарадоў, што прадстаўляюць 10 рэгіёнаў Францыі, праходзіць сёння ў Мінску. Звыш 50 беларускіх і 58 французскіх прадстаўнікоў бізнесу атрымалі магчымасць правесці двухбаковыя перагаворы. Французскіх удзельнікаў форуму азнаёмяць з экспартным і інвестыцыйным патэнцыялам Беларусі, а таксама з вопытам работы замежных кампаній на беларускім рынку.

Архіў
Пн Аўт Сер Чцв Пт Сб Нядз
Конкурс перакладаў раней невядомага верша Максіма Багдановіча
Помнікі Вялікай Айчыннай вайны ў Беларусі
Партызанскі летапіс
Еўрапейскія гульні-2019 у Мінску