31 жніўня, Мінск /Кар. БЕЛТА/. Экспарт беларускіх камп'ютарных паслуг у першым паўгоддзі вырас на 21,1 працэнта ў параўнанні з аналагічным перыядам мінулага года і склаў амаль $1,5 млрд. Такая інфармацыя прыводзіцца ў бюлетэні "Сацыяльна-эканамічнае становішча Беларусі ў студзені - ліпені 2021 года", які размешчаны на сайце Нацыянальнага статыстычнага камітэта, паведамляе БЕЛТА.
Доля камп'ютарных у агульным аб'ёме экспарту паслуг за студзень - чэрвень склала 29,9 працэнта. Гэты від паслуг застаецца на другім месцы па аб'еме экспарту пасля транспартных.
Экспарт беларускіх паслуг у цэлым павялічыўся за першае паўгоддзе на 17,6 працэнта да $4,833 млрд. Імпарт склаў $2,671 млрд (павелічэнне на 21 працэнт). Сальда знешняга гандлю паслугамі склалася дадатнае ў памеры $2,162 млрд (у студзені - чэрвені 2020 года дадатнае сальда складала $1,903 млрд).