Бізнес-навіны

Эканоміка, навука, культура. Беларусь і Цвярская вобласць падпісалі пагадненне аб супрацоўніцтве

Фота з архiва

23 ліпеня, Цвер /Эдуард Півавар - БЕЛТА/. Пагадненне аб гандлёва-эканамічным, навукова-тэхнічным і сацыяльна-культурным супрацоўніцтве паміж урадамі Беларусі і Цвярской вобласці РФ заключана 23 ліпеня ў Цверы, перадае карэспандэнт БЕЛТА.

З беларускага боку дакумент падпісала старшыня Дзяржаўнага камітэта па стандартызацыі Алена Маргунова, ад Цвярской вобласці - часова выконваючы абавязкі губернатара рэгіёна Віталь Каралёў.

На цырымоніі падпісання Алена Маргунова адзначыла, што пагадненне з'яўляецца асновай для ўмацавання гандлёва-эканамічнага, навукова-тэхнічнага і сацыяльна-культурнага супрацоўніцтва паміж бакамі. "У развіццё гэтага пагаднення ідзе дарожная карта з канкрэтнымі праектамі і ў гандлёва-эканамічным, і ў культурным супрацоўніцтве, і ў патрыятычным выхаванні нашай моладзі", - сказала яна.

"Сапраўды, сёння мы заклалі камень у далейшае развіццё нашых адносін з Беларуссю, якія будуць толькі ўмацоўвацца", - падкрэсліў Віталь Каралёў. Ён дадаў, што пагадненне разлічана на пяць гадоў з магчымасцю яго далейшай пралангацыі.

версія для друку

зрабіць стартавай

дабавіць у выбранае