Бізнес-навіны

Егіпет зацікаўлены ва ўдзеле Беларусі ў сацыяльна-эканамічных праектах

26 студзеня, Мінск /Кар. БЕЛТА/. Надзвычайны і Паўнамоцны Пасол Рэспублікі Беларусь у Арабскай Рэспубліцы Егіпет Сяргей Цярэнцьеў  сустрэўся з прэзідэнтам Акадэміі навуковых даследаванняў і тэхналогій Егіпта Махмудам Сакрам. Аб гэтым карэспандэнту БЕЛТА паведамілі ў пасольстве нашай краіны ў Егіпце.

Бакі абмеркавалі стан беларуска-егіпецкага супрацоўніцтва ў галіне навукі, узаемадзеяння паміж нацыянальнымі акадэміямі навук у рамках рэалізацыі актуальных сумесных праектаў.

Кіраўнік Акадэміі навуковых даследаванняў і тэхналогій сказаў аб зацікаўленасці ў выкарыстанні патэнцыялу Нацыянальнай акадэміі навук Беларусі ў важных праектах сацыяльна-эканамічнага развіцця Егіпта.

Дасягнута дамоўленасць аб візіце ў 2022 годзе Махмуда Сакра ў Беларусь на чале дэлегацыі Акадэміі навуковых даследаванняў і тэхналогій Егіпта.

версія для друку

зрабіць стартавай

дабавіць у выбранае