Афіцыйны сайт Рэспублікі Беларусь
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

12 Кст 2020

ЕФСР адобрыў прадастаўленне Беларусі крэдыту ў памеры $500 млн

ЕФСР адобрыў прадастаўленне Беларусі крэдыту ў памеры $500 млн
Фота з архiва

12 кастрычніка, Масква /Эдуард Півавар - БЕЛТА/. Еўразійскі фонд стабілізацыі і развіцця адобрыў прадастаўленне Беларусі крэдыту ў памеры $500 млн. Інфармацыя аб гэтым размешчана на сайце Міністэрства фінансаў Расіі, паведамляе БЕЛТА.

"Савет Еўразійскага фонду стабілізацыі і развіцця (ЕФСР) адобрыў прадастаўленне Рэспубліцы Беларусь крэдыту на $500 млн з уласных сродкаў. Рашэнне было прынята 9 кастрычніка", - гаворыцца ў паведамленні.

"Абмежаванні, звязаныя з пандэміяй, адмоўна ўплываюць на эканамічную актыўнасць Беларусі, ствараюць сур'ёзныя рызыкі. Крэдыт дасць магчымасць ураду краіны забяспечыць якасную медыцынскую дапамогу, збалансаваць бюджэтную палітыку і забяспечыць устойлівасць банкаўскага сектара", - пракаменціраваў рашэнне міністр фінансаў РФ Антон Сілуанаў.

У расійскім фінансавым ведамстве таксама адзначылі, што акрамя сродкаў ЕФСР Беларусь атрымае крэдыт у памеры $1 млрд ад Расіі. Ён будзе прадастаўлены двума траншамі: першыя $500 млн - у 2020 годзе, другія $500 млн - у 2021-м.

У паведамленні прыведзены ўмовы прадастаўлення крэдыту: плаваючая працэнтная стаўка (вызначаецца як сярэдняя даходнасць расійскіх еўрааблігацый у доларах ЗША на тэрмін 7 гадоў), тэрмін крэдыту - да 10 гадоў, ільготны перыяд - да 5 гадоў.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі