Бізнес-навіны
ЕБРР рыхтуе новую стратэгію па Беларусі на 2016-2019 гады
20 кастрычніка, Мінск /Кар. БЕЛТА/. Еўрапейскі банк рэканструкцыі і развіцця (ЕБРР) рыхтуе новую стратэгію па Беларусі на 2016-2019 гады. Практычныя пытанні падрыхтоўкі стратэгіі абмеркаваны на сустрэчы Надзвычайнага і Паўнамоцнага Пасла Беларусі ў Злучаным Каралеўстве Вялікабрытаніі і Паўночнай Ірландыі Сяргея Алейніка з віцэ-прэзідэнтам Еўрапейскага банка рэканструкцыі і развіцця Філіпам Ле Ру, паведамілі БЕЛТА ў прэс-службе МЗС Беларусі.
Бакі абмеркавалі дынаміку ўзаемадзеяння Беларусі і ЕБРР. Сяргей Алейнік і Філіп Ле Ру таксама абмяняліся думкамі наконт бягучай сацыяльна-эканамічнай сітуацыі ў Беларусі і рэгіёне.
Еўрапейскі банк рэканструкцыі і развіцця створаны ў 1991 годзе, з'яўляецца буйным інвестарам у рэгіёне і акрамя выдзялення сваіх сродкаў прыцягвае значныя аб'ёмы прамых замежных інвестыцый. З дапамогай сваіх інвестыцый ЕБРР садзейнічае правядзенню структурных і галіновых рэформ; развіццю канкурэнцыі, прыватызацыі і прадпрымальніцтва; умацаванню фінансавых арганізацый і прававых сістэм; развіццю неабходнай інфраструктуры для падтрымкі прыватнага сектара; укараненню надзейна працуючай сістэмы карпаратыўнага кіравання, у тым ліку ў мэтах вырашэння прыродаахоўных праблем. На 1 чэрвеня 2015 года банк інвесціраваў 1,7 млрд еўра ў развіццё больш як 70 праектаў у Беларусі, большасць з якіх рэалізуецца ў прыватным сектары.
версія для друку
зрабіць стартавай
дабавіць у выбранае