У Беларусь без візы на 30 дзён
Афіцыйны сайт Рэспублікі Беларусь
Бізнес
Каляндар падзей у Беларусі: КАСТРЫЧНІК 2020
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

1 Кст 2019

ЕБРР гатовы аказваць падтрымку Беларусі ў рэалізацыі праектаў у транспартнай сферы

ЕБРР гатовы аказваць падтрымку Беларусі ў рэалізацыі праектаў у транспартнай сферы

1 кастрычніка, Мінск /Кар. БЕЛТА/. Еўрапейскі банк рэканструкцыі і развіцця (ЕБРР) гатовы аказваць падтрымку Беларусі ў рэалізацыі цікавых праектаў у транспартнай сферы. Аб гэтым заявіў кіраўнік прадстаўніцтва банка ў Беларусі Аляксандр Піваварскі на пленарным пасяджэнні па актуальных напрамках развіцця транспартна-лагістычных сістэм у час Беларускага транспартнага тыдня, перадае карэспандэнт БЕЛТА.

Кіраўнік прадстаўніцтва адзначыў, што банку вельмі камфортна працаваць з Беларуссю, у якой ёсць станоўчы вопыт супрацоўніцтва з міжнароднымі арганізацыямі. Таксама Беларусь - краіна з даволі нізкім для рэгіёна ўзроўнем карупцыі. "Таму для міжнародных арганізацый, такіх як мы, гэта вельмі добры рынак для супрацоўніцтва, - сказаў Аляксандр Піваварскі. - Калі ў вас ёсць нейкія цікавыя ідэі ў транспартнай сферы - звяртайцеся, мы заўсёды гатовы вас падтрымаць".

З пачатку дзейнасці ў Беларусі ў 1992 годзе ЕБРР інвесціраваў амаль 2,46 млрд еўра больш як у 100 праектаў у розных галінах эканомікі краіны. Прычым значная частка гэтых інвестыцый была ўкладзена менш як за дзесяць гадоў. "За адзін год мы ажыццяўляем прыкладна 10 млрд аперацый, і ў мінулым годзе Беларусь, перавысіўшы ўсе нашы чаканні, дасягнула 360 млн еўра інвестыцый ад ЕБРР, трапіўшы такім чынам у дзясятку самых актыўных краін аперацый у 2018 годзе", - адзначыў кіраўнік прадстаўніцтва.

На сёння партфель банка ў Беларусі складае каля 800 млн еўра, чвэрць з якіх складаюць інвестыцыі ў муніцыпальную і дарожную інфраструктуру. Да ліку найбольш цікавых праектаў у галіне дарожнай і транспартнай інфраструктуры Аляксандр Піваварскі аднёс праект інвестыцый у прадпрыемства ЗАТ "Штадлер-Мінск" (інвестыцыі ў 2013-2016 гадах склалі каля 30 млн еўра), а таксама завяршэнне рэканструкцыі другой кальцавой аўтадарогі Р80 (больш за 40 млн еўра інвестыцый).

Інтарэс мае і праект рэканструкцыі трасы М10 на аснове дзяржаўна-прыватнага партнёрства. Ужо завершана першая стадыя яго рэалізацыі - пададзены заяўкі на перадкваліфікацыю. "У бягучым годзе плануем падпісаць яшчэ адзін буйны праект па мадэрнізацыі цэлай групы мастоў па ўсёй краіне і па частковым фінансаванні мадэрнізацыі дарогі М3 паміж Мінскам і Віцебскам. Для ЕБРР гэта будзе самы вялікі праект у інфраструктуры за ўсе гады работы ў Беларусі (каля 240 млн еўра)", - расказаў Аляксандр Піваварскі.

ЕБРР - шматбаковы банк, які садзейнічае развіццю прыватнага сектара і прадпрымальніцкай ініцыятывы ў 38 эканоміках на трох кантынентах. Еўрапейскі банк рэканструкцыі і развіцця з'яўляецца буйнейшым інстытуцыянальным інвестарам у эканоміку Беларусі.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс