У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

10 Ліс 2015

Дзень нямецкай эканомікі пройдзе 12 лістапада ў Мінску

10 лістапада, Мінск /Аліна Грышкевіч - БЕЛТА/. 8-ы Дзень нямецкай эканомікі, які пройдзе ў Беларусі 12 лістапада, будзе прысвечаны тэме "Германія і Беларусь - актуальны стан і перспектывы эканамічнага супрацоўніцтва". Аб гэтым паведаміў сёння на прэс-канферэнцыі намеснік пасла ФРГ у Беларусі Хольгер Рапіёр, перадае карэспандэнт БЕЛТА.

Мерапрыемства праводзяць Нямецка-беларускі эканамічны клуб і Прадстаўніцтва нямецкай эканомікі ў Беларусі пад патранатам пасла ФРГ Петэра Дэтмара.

На буйным двухбаковым эканамічным форуме ў Беларусі прадстаўнікі бізнесу і палітычнай сферы абмяркуюць прагнозы эканамічнага развіцця Беларусі, а таксама перспектыўныя галіны і бізнес-мадэлі для германа-беларускага і мультынацыянальнага партнёрства. На прыкладах сумесных праектаў паміж нямецкімі і беларускімі фірмамі будуць разгледжаны магчымасці і праблемы кааперацыі. Асаблівую ўвагу ўдзеляць патэнцыялу супрацоўніцтва ў галіне прамысловай кааперацыі, транспарту і лагістыкі.

8-ы Дзень нямецкай эканомікі пачнецца пленарным пасяджэннем, пасля заканчэння якога адбудзецца подыумная дыскусія. Да ўдзелу ў мерапрыемстве запрошаны прадстаўнікі дзелавых колаў абедзвюх краін, урада Беларусі, федэральных міністэрстваў Германіі, Саюза германскіх прамыслова-гандлёвых палат, а таксама галіновых аб'яднанняў і арганізацый.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс
Еўрапейскія гульні-2019 у Мінску