Афіцыйны сайт Рэспублікі Беларусь
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

14 Feb 2022

Дзелавыя колы Беларусі і Бранскай вобласці зацікаўлены ў развіцці прамкааперацыі

Дзелавыя колы Беларусі і Бранскай вобласці зацікаўлены ў развіцці прамкааперацыі
Фота з архiва

14 лютага, Мінск /Кар. БЕЛТА/. Дзелавыя колы Беларусі і Бранскай вобласці зацікаўлены ў развіцці прамысловай кааперацыі. Аб гэтым ішла размова на форуме прадпрымальнікаў Бранскай вобласці і рэгіёнаў Беларусі "Садружнасць-2022", паведамляе БЕЛТА са спасылкай на сайт Віцебскага аддзялення БелГПП.

"На мерапрыемстве кіраўнікі рэгіянальных гандлёва-прамысловых палат Расіі і аддзяленняў БелГПП з удзелам больш як 60 прадстаўнікоў дзелавых колаў і бізнес-асацыяцый азнаёміліся з інвестыцыйным патэнцыялам і магчымасцямі расійска-беларускіх прыгранічных рэгіёнаў, разгледзелі пытанні прамысловай кааперацыі ў рамках інтэграцыі", - расказалі ў БелГПП.

Намеснік генеральнага дырэктара па знешнеэканамічнай дзейнасці Віцебскага аддзялення палаты Андрэй Разноўскі выступіў на форуме з прэзентацыяй прамысловага патэнцыялу Аршанскага раёна Віцебскай вобласці як тэрыторыі апераджальнага сацыяльна-эканамічнага развіцця, пацвердзіў гатоўнасць аказваць садзейнічанне ва ўстанаўленні кантактаў для прамысловай кааперацыі, супрацоўніцтва з бізнесам рэгіёна.

"Выступоўцы адзначылі станоўчую дынаміку інтэграцыйных працэсаў і важнасць пашырэння расійска-беларускіх адносін у сферы прамысловай кааперацыі. Удзельнікі падзяліліся інфармацыяй аб сістэмных мерах падтрымкі прамысловых кааперацыйных праектаў, абмеркавалі стан узаемнага гандлю і перспектвы развіцця гандлёва-эканамічнага супрацоўніцтва Бранскай вобласці з рэгіёнамі Беларусі", - дадалі ў Віцебскім аддзяленні БелГПП.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі