У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

25 Врс 2015

Дзелавыя колы Аўстрыі азнаёмяцца з магчымасцямі ўдзелу ў прыватызацыі беларускіх прадпрыемстваў

25 верасня, Мінск /Кар. БЕЛТА/. Дзелавыя колы Аўстрыі азнаёмяцца з магчымасцямі ўдзелу замежных інвестараў у беларускай прыватызацыі, паведамілі БЕЛТА ў прэс-службе Дзяржаўнага камітэта па маёмасці Беларусі.

Сёння ў Вене праходзіць 12-е пасяджэнне беларуска-аўстрыйскай міжурадавай камісіі па гандлёва-эканамічным супрацоўніцтве, у якім прымае ўдзел першы намеснік старшыні Дзяржкамітэта па маёмасці Аляксей Васільеў. Ён сустракаецца з кіраўніцтвам Аўстрыйскага агенцтва па кіраванні дзяржаўнымі долямі прадпрыемстваў і прыватызацыі.

Беларускі і аўстрыйскі бакі ўжо маюць вопыт узаемадзеяння па пытаннях прыватызацыі і распараджэння дзяржаўнай уласнасцю Беларусі. Аўстрыйцы атрымаюць прэзентацыйныя матэрыялы аб магчымасцях і ўмовах удзелу ў прыватызацыі дзяржаўнай уласнасці ў Беларусі. Акрамя таго, ім будзе прадстаўлены актуалізаваны пералік беларускіх прадпрыемстваў, якія ў бягучым годзе плануецца прыватызаваць.

Патэнцыяльных інвестараў таксама праінфармуюць, што працэс рэфармавання дзяржаўнай уласнасці, які прадаўжаецца ў Беларусі, прадугледжвае разгляд розных інвестыцыйных прапаноў аб прыватызацыі любога беларускага прадпрыемства на ўзаемавыгадных умовах. Заканадаўствам Беларусі забяспечваецца яго максімальная публічнасць, адкрытасць і празрыстасць. Пры гэтым прадугледжваюцца розныя варыянты ўкладання капіталу з распаўсюджваннем на замежных інвестараў нацыянальнага рэжыму ўдзелу ў прыватызацыі.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс
Еўрапейскія гульні-2019 у Мінску