Афіцыйны сайт Рэспублікі Беларусь
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

16 Nov 2022

Дадатнае сальда $4 млрд, прырост прамвытворчасці: Галоўчанка аб фінансавай сітуацыі ў Беларусі

Дадатнае сальда $4 млрд, прырост прамвытворчасці: Галоўчанка аб фінансавай сітуацыі ў Беларусі
Фота з архiва

16 лістапада, Гомель /Кар. БЕЛТА/. У Беларусі склалася дадатнае сальда знешняга гандлю на ўзроўні $4 млрд па выніках 9 месяцаў. Аб гэтым сказаў журналістам прэм'ер-міністр Раман Галоўчанка ў час рабочай паездкі ў Гомельскую вобласць, перадае карэспандэнт БЕЛТА.

Паводле слоў прэм'ер-міністра, станоўчы прагноз пацвярджаецца. "Па выніках 9 месяцаў мы маем дадатнае сальда $4 млрд. Гэта адзін з рэкордных паказчыкаў. Гэта чысты даход у валюце, які атрымлівае краіна. Зразумела, што сітуацыя на фінансавым рынку будзе стабільнай. А вынікі лістапада будуць крыху лепшыя за кастрычнік", - падкрэсліў ён.

"Радуе, што прыбаўляе прамвытворчасць. У цэлым прамысловая вытворчасць вырасла на 1,2 працэнта, але па лініі Мінпрама гэтыя лічбы большыя - каля 105 працэнтаў, 106 працэнтаў, 108 працэнтаў. Узмоцненымі тэмпамі расце машынабудаванне, у тым ліку мы бачылі на "Гомсельмашы" - увесь канвеер у машынах. Падобная сітуацыя на многіх прамысловых прадпрыемствах, што пазітыўна працуе на ВУП, на нашы фінансавыя паказчыкі", - абазначыў сітуацыю ў вытворчым сегменце прэм'ер.

Сёння Раман Галоўчанка наведаў прадпрыемствы Гомельскай вобласці. Ён ацаніў экспартны патэнцыял Гомельскага хімічнага завода, азнаёміўся з лінейкай тэхнікі на выстаўцы холдынга "Гомсельмаш", імпартазамяшчальнымі праектамі, работай вытворчых падраздзяленняў.

Завяршае рабочую паездку ў Гомельскую вобласць наведванне ваенна-гістарычнага комплексу "Партызанская крыніца", месцаў работ спецыялізаванага пошукавага батальёна Міністэрства абароны.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі