У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

2 Лют 2016

Будаўніцтва энергаблокаў БелАЭС ідзе па графіку

2 лютага, Вена /Кар. БЕЛТА/. Будаўніцтва энергаблокаў БелАЭС ідзе па графіку, заявіў сёння намеснік міністра энергетыкі Міхаіл Міхадзюк на семінары МАГАТЭ высокага ўзроўню па пытаннях развіцця ядзернай энергетычнай інфраструктуры, перадае карэспандэнт БЕЛТА.

"Беларусь сумесна са стратэгічным партнёрам - дзяржкарпарацыяй "Расатам" - вядзе поўнамаштабную работу па будаўніцтве атамнай электрастанцыі. Хачу з задавальненнем адзначыць, што будаўніцтва абодвух энергаблокаў ажыццяўляецца ў адпаведнасці з прадугледжаным графікам. На пляцоўку будаўніцтва паступае абсталяванне, якое пасля ўваходнага кантролю перадаецца ў мантаж", - сказаў Міхаіл Міхадзюк.

Намеснік міністра асабліва адзначыў, што Прэзідэнт Беларусі і ўрад удзяляюць асаблівую ўвагу будаўніцтву БелАЭС. Усе работы па яе ўзвядзенні і вырабе абсталявання знаходзяцца пад пастаянным кантролем з боку адпаведных наглядных органаў. "Выяўленыя нагляднымі органамі заўвагі разглядаюцца на аператыўных пасяджэннях штабоў па будаўніцтве АЭС штомесяц з удзелам намесніка прэм'ер-міністра", - адзначыў Міхаіл Міхадзюк.

"Па ўсім спектры пытанняў, звязаных са стварэннем ядзернай энергетыкі, Беларусь цесна супрацоўнічае з Міжнародным агенцтвам па атамнай энергіі. Адным з асноўных напрамкаў праектаў тэхнічнага супрацоўніцтва МАГАТЭ, якія ў сферы ядзернай энергетыкі рэалізуюцца з 2008 года, з'яўляецца падтрымка фарміравання сістэмы падрыхтоўкі кадраў для ядзернай энергетычнай праграмы краіны", - сказаў Міхаіл Міхадзюк. Пры падтрымцы МАГАТЭ праведзена вялікая работа па развіцці ядзернай энергетычнай інфраструктуры Беларусі, умацаванні ядзернай і радыяцыйнай бяспекі.

У рэспубліцы вядзецца работа па фарміраванні нацыянальнай сістэмы падрыхтоўкі кадраў, неабходнай для забеспячэння ядзернай энергетыкі высокакваліфікаванымі спецыялістамі, а таксама для далейшага падтрымання адпаведнага ўзроўню ведаў для бяспечнай, надзейнай і эфектыўнай эксплуатацыі АЭС, дадаў намеснік міністра.

БелАЭС - электрастанцыя тыпу АЭС-2006, якая будуецца за 18 км ад Астраўца (Гродзенская вобласць). Яна будзе складацца з двух энергаблокаў сумарнай магутнасцю да 2400 (2х1200) МВт. У адпаведнасці з генеральным кантрактам на будаўніцтва станцыі першы энергаблок плануецца ўвесці ў эксплуатацыю ў 2018 годзе, другі - у 2020 годзе.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс
Еўрапейскія гульні-2019 у Мінску