Афіцыйны сайт Рэспублікі Беларусь
Бізнес
Выдатныя мясціны Беларусі
Каляндар падзей у Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

19 Jan 2022

Брыло: на ўнутраным рынку дастаткова харчовай сыравіны і тавараў

Брыло: на ўнутраным рынку дастаткова харчовай сыравіны і тавараў
Фота з архiва

19 студзеня, Мінск /Кар. БЕЛТА/. На ўнутраным рынку Беларусі дастаткова харчовай сыравіны і тавараў. Аб гэтым заявіў сёння журналістам першы намеснік міністра сельскай гаспадаркі і харчавання Ігар Брыло, перадае карэспандэнт БЕЛТА.

Беларусь з 1 студзеня ў адказ на санкцыі ўвяла харчовае эмбарга на шэраг тавараў з дзяржаў, якія ажыццяўляюць недружалюбныя дзеянні ў адносінах да нашай краіны. У пераліку забароненых тавараў - свінні, мяса буйной рагатай жывёлы, свініна, шэраг субпрадуктаў, мяса салёнае, у расоле, сушанае або вэнджанае, харчовая мука з мяса або мясных субпрадуктаў, малако і малочная прадукцыя (з некаторымі выключэннямі), агародніна, акрамя прызначанай для сяўбы, фрукты і арэхі, тлушч свіны і тлушч свойскай птушкі, тлушч буйной рагатай жывёлы, авечак або коз, лярд-стэарын і іншы жывёльны алей, каўбасы і аналагічныя прадукты, кандытарскія вырабы, соль і іншыя тавары.

На пытанне, ці не сутыкнецца беларускі рынак з няхваткай прадукцыі, Ігар Брыло адказаў: "У нас не тое што дастаткова сыравіны, яе намнога больш. На сёння ў нас больш за 400 найменняў цвёрдых і паўцвёрдых сыроў. Мы вырабляем у год каля 250 тыс. т такіх сыроў, а за мінулы год імпартавалі 1,4 тыс. т. Таму лічбы несупастаўныя, і нельга сказаць, што нехта нешта страціў. Павялічылася і лінейка мяккіх сыроў".

Ён таксама закрануў тэму імпартазамяшчэння мясной прадукцыі. "Напэўна, выклікаюць цікавасць перш за ўсё розныя прадукты - хамон і гэтак далей. Па выніках мінулага года мы завезлі ў краіну ўсяго толькі 20 т такога прадукту, а вырабілі каля 480 т. Таму на сталах будзе беларуская мясная прадукцыя, якая не ўступае імпартнай па якасці", - адзначыў першы намеснік міністра.

"Нашы перапрацоўшчыкі выпускаюць больш за 1,5 тыс. найменняў малочнай і 1 тыс. - мясной прадукцыі. І кожны год павялічваюць гэту лінейку", - звярнуў увагу прадстаўнік Мінсельгасхарча.

Сёння ў Мінску праходзіць Trade Dialog айчынных вытворцаў прадуктаў з прадстаўнікамі рэтэйлу і HoReCa (так званы сегмент гасціннасці, які аб'ядноўвае кафэ, рэстараны, турыстычны і гасцінічны бізнес. - Заўвага БЕЛТА) "Адкрываем сваё". Арганізатары - МАРГ і часопіс "Продукт.ВУ". Галоўная тэма - імпартазамяшчэнне. У праграме мерапрыемства прэзентацыя і бізнес-дэгустацыя айчынных сыроў, а таксама мясных далікатэсаў. Па выніках дэгустацыі пройдуць прамыя перагаворы вытворцаў з прадстаўнікамі рэтэйлу і HoReCa. Запланаваны таксама круглы стол з удзелам прадстаўнікоў МАРГ і Мінсельгасхарча, у час якога будуць вырашацца тэхнічныя пытанні паскарэння працэсу імпартазамяшчэння.

"Асноўная мэта гэтага мерапрыемства - сабраць рэстаранны і гасцінічны бізнес, які працаваў з імпартнай сыравінай, і паказаць, наколькі смачныя нашы сыры і мясныя далікатэсы, наколькі шырокі асартыментны пералік, які мы выпускаем", - сказаў Ігар Брыло.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі