Бізнес-навіны

27 ліпеня, Мінск /Кар. БЕЛТА/. Беларуская калійная кампанія (БКК) плануе паставіць у Кітай да канца 2016 года 1,3 млн т калію, паведамілі карэспандэнту БЕЛТА ў прэс-службе кампаніі.

"У адпаведнасці з дасягнутымі пагадненнямі мы плануем паставіць у 2016 годзе ў Кітай 1,3 млн т калію", - адзначылі ў прэс-службе.

Як паведамлялася раней, Беларуская калійная кампанія 14 ліпеня дасягнула пагаднення з кансорцыумам кітайскіх пакупнікоў (Sinochem, CNAMPGC, CNOOC) аб устанаўленні кантрактнай цаны ў памеры $219 за тону на пастаўку калію ў Кітай. Цана ўстаноўлена на 2016 год з тэрмінам пастаўкі да 31 снежня 2016 года.