Бізнес-навіны

Біяфармацэўтычны парк у горадзе Усі прапрацуе праекты па медыцынскім турызме кітайскіх грамадзян у Беларусь

Фота з архiва

18 студзеня, Мінск /Кар. БЕЛТА/. Генеральны консул Беларусі ў Шанхаі Андрэй Андрэеў і консул Канстанцін Галаўко наведалі Біяфармацэўтычны навукова-вытворчы парк горада Усі правінцыі Цзянсу. Аб гэтым карэспандэнту БЕЛТА расказалі ў беларускай загранустанове ў Шанхаі.

У ходзе праведзеных з дырэктарам парка Лю Хуанем перагавораў адбылася прэзентацыя Кітайска-беларускага індустрыяльнага парка "Вялікі камень". Былі таксама намечаны перспектывы ўзаемадзеяння парка Усі з беларускім бокам у галіне даследчай і прамысловай кааперацыі ў медыцынскай сферы.

Акрамя таго, дасягнуты дамоўленасці аб наладжванні інвестыцыйнага ўзаемадзеяння і сумеснай прапрацоўцы праектаў у сферы медыцынскага турызму кітайскіх грамадзян у Беларусь.

Прадстаўнікі Генеральнага консульства таксама азнаёміліся з вытворчымі магутнасцямі кітайскіх прадпрыемстваў - патэнцыяльных партнёраў. Кітайскія вытворцы выказалі зацікаўленасць у наладжванні ўстойлівага супрацоўніцтва.

версія для друку

зрабіць стартавай

дабавіць у выбранае