Афіцыйны сайт Рэспублікі Беларусь
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

13 Крс 2020

"Белнафтахім" заключае кантракты з вялікімі нафтавымі кампаніямі РФ


Фота з архiва

13 красавіка, Мінск /Кар. БЕЛТА/. Канцэрн "Белнафтахім" заключае кантракты з расійскімі вялікімі нафтавымі кампаніямі і некаторымі іншымі, аб'ём закантрактаванай сыравіны на красавік набліжаецца да 2 млн т. Аб гэтым паведаміў карэспандэнту БЕЛТА прэс-сакратар "Белнафтахіма" Аляксандр Цішчанка.

"Паступова выходзім і набліжаемся да тых аб'ёмаў у памеры 2 млн т, якія запланавалі. Працуем па заключэнні кантрактаў на красавік з "вялікай пяцёркай" ("Раснафта", "Татнафта", "Сургутнафтагаз", "Лукойл", "Газпрам нафта") і невялікімі кампаніямі, з якімі раней узаемадзейнічалі, уключаючы структуры "Сафмар", - расказаў Аляксандр Цішчанка.

 Такім чынам, пастаўленыя задачы па забеспячэнні работы нафтаперапрацоўчага комплексу вырашаюцца. "Стварэнне запасаў, забеспячэнне ўнутранага рынку, экспарт, альтэрнатыўныя пастаўкі - па ўсіх пазіцыях працуем, як і было запланавана", - адзначыў прэс-сакратар.

Як паведамлялася, пастаўкі ад вялікіх нафтавых кампаній з Расіі спынены 1 студзеня з-за таго, што не былі дасягнуты дамоўленасці па цане. Беларусь палічыла немэтазгодным плаціць прэміі расійскім нафтавым кампаніям у ранейшых аб'ёмах. У красавіку пастаўкі ад вялікіх НК адноўлены. Як тлумачыў прэм'ер-міністр Беларусі Сяргей Румас, расійскія кампаніі будуць пастаўляць нафту ў Беларусь без прэміі, частку прэміі кампенсуе расійскі ўрад з дапамогай міжбюджэтных разлікаў. У красавіку Беларусь чакае з РФ 2 млн т нафты.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі