У Беларусь без візы на 30 дзён
Афіцыйны сайт Рэспублікі Беларусь
Выбары Прэзідэнта Рэспублікі Беларусь 9 жніўня 2020 года
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

7 Май 2020

"Белнафтахім" прапрацоўвае пастаўку нафты праз Гданьск


Фота з архiва

7 мая, Мінск /Кар. БЕЛТА/. "Белнафтахім" прапрацоўвае пастаўку нафты праз польскі Гданьск, паведаміў карэспандэнту БЕЛТА прэс-сакратар канцэрна Аляксандр Цішчанка.

"Пачалі працаваць паўночны і паўднёвы напрамкі, у завяршальнай стадыі падрыхтоўкі знаходзіцца заходняя лінія (пастаўкі праз Гданьск. - Заўвага БЕЛТА). Усё, што трэба дапрацаваць, пастаўлена ўжо ў графік рэалізацыі, уключаючы пытанні польскага рэверсу і будаўніцтва перамычкі "Гомель - Горкі", - сказаў Аляксандр Цішчанка.

Паводле ацэнкі прэс-сакратара "беларуская нафтанка ў I квартале гэтага года краш-тэст вытрымала". "Па лініі паставак нафты істотна абноўлены партнёрскі пул, у якім да расійскіх кампаній дабавіліся пастаўшчыкі з Азербайджана, Нарвегіі і Саудаўскай Аравіі. Прадаўжаецца работа з амерыканскімі вытворцамі. Сёння на рынку энерганосьбітаў у выніку аб'ектыўных прычын прапаноў і магчымасцей больш чым дастаткова. Да таго ж разам з усведамленнем непазбежнасці дыверсіфікацыі паставак нафты вызначаны яе напрамкі і лагістыка. Рынак з пункту гледжання паставак стаў больш сегментаваны", - растлумачыў ён.

Аляксандр Цішчанка адзначыў: на беларускіх НПЗ практычна апрабаваны розныя варыянты перапрацоўкі новых відаў сыравіны. "Вынікі нас задавольваюць. Мы разлічваем значна падрыхтавацца да новага рынку нафты, які сфарміруецца пасля крызісу і пандэміі", - дадаў ён.

Як паведамляў першы намеснік прэм'ер-міністра Дзмітрый Крутой, тэма альтэрнатыўнай сыравіны будзе пастаяннай у беларускім нафтавым парадку дня. "Работа з усімі краінамі, у якіх мы ўжо нафту купілі (азербайджанскую, нарвежскую), і нашымі новымі партнёрамі, такімі як Саудаўская Аравія і ЗША, будзе прадаўжацца. Безумоўна, будзем старацца дабівацца максімальна выгадных умоў гэтых паставак", - сказаў Дзмітрый Крутой.

Адказваючы на пытанне аб пастаўках амерыканскай нафты, першы віцэ-прэм'ер пацвердзіў, што яны магчымы праз Польшчу. Ён лічыць, што перагаворы актывізуюцца пасля зняцця каранціну ў Польшчы.

Як паведамлялася, у гэтым годзе Беларусь закупляла для сваіх НПЗ нарвежскую і азербайджанскую нафту з перавалкай у партах Клайпеды і Адэсы адпаведна. 11 мая ў Клайпедскім порце чакаецца першая партыя нафты ад нацыянальнай нафтавай кампаніі Саудаўскай Аравіі Saudi Aramco - 80 тыс. т.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс