Афіцыйны сайт Рэспублікі Беларусь
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

16 Mar 2020

"Белнафтахім": фармат работы па пастаўках нафты з ЗША прапрацоўваецца


Фота з архiва

16 сакавіка, Мінск /Кар. БЕЛТА/. Фармат работы па пастаўках у Беларусь амерыканскай нафты прапрацоўваецца. Аб гэтым сёння журналістам паведаміў прэс-сакратар канцэрна "Белнафтахім" Аляксандр Цішчанка, перадае карэспандэнт БЕЛТА.

Адказваючы на пытанне аб перспектывах паставак у Беларусь нафты з ЗША, Аляксандр Цішчанка адзначыў, што такая магчымасць не выключаецца і работа ў такім напрамку вядзецца. "Фармат прапрацоўваецца", - сказаў ён. Паводле слоў прэс-сакратара канцэрна, размова ідзе аб фарміраванні перагаворных пазіцый. Што датычыцца аднаўлення трубаправодных паставак нафты з балтыйскіх партоў у Беларусь, то работа ў гэтым напрамку таксама прадаўжаецца. "Ствараецца рабочая група, якая змагла б гэта пытанне прапрацаваць цалкам", - праінфармаваў прэс-сакратар.

Як паведамлялася, у пачатку лютага дзяржсакратар ЗША Майкл Пампеа пасля перагавораў з Прэзідэнтам Беларусі Аляксандрам Лукашэнкам заявіў аб гатоўнасці ЗША забяспечыць Беларусь энергарэсурсамі на 100 працэнтаў па канкурэнтных цэнах.

У пачатку сакавіка ў Беларускім інстытуце стратэгічных даследаванняў (БІСД) адбыўся міжнародны экспертны семінар. Удзел у ім прынялі прадстаўнікі латвійскіх і літоўскіх чыгунак, нафтаперавалачных, лагістычных кампаній, партоў, дыпламаты. Беларускі бок прадставілі кіраўніцтва і эксперты канцэрна "Белнафтахім", Беларускай чыгункі, Асацыяцыі еўрапейскага бізнесу.

Дасягнута дамоўленасць адпрацаваць на ўзроўні спецыялістаў пытанні вызначэння найбольш аптымальнага як з пункту гледжання кошту, так і часавых затрат шляху аднаўлення працаздольнасці трубаправоднай сістэмы, якая дазваляе дастаўляць нафту з балтыйскіх партоў у Беларусь. У бліжэйшы час будзе створана рабочая група па двух напрамках, тэхнічным і юрыдычным, каб на базе атрыманай тэхінфармацыі падрыхтаваць пагадненне і выйсці на міжурадавы ўзровень.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі