У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

29 Жнв 2017

"Белкамунмаш" прапрацоўвае магчымасці пастаўкі электробусаў у Маскву, Санкт-Пецярбург і Екацярынбург

29 жніўня, Мінск /Вера Сяргеева - БЕЛТА/. "Белкамунмаш" прапрацоўвае магчымасці пастаўкі электробусаў у Маскву, Санкт-Пецярбург і Екацярынбург. Аб гэтым карэспандэнту БЕЛТА паведаміў начальнік упраўлення маркетынгу і продажаў у Беларусь і Расію ААТ "Кіруючая кампанія холдынга "Белкамунмаш" Віталь Шкуратаў.

"Прапрацоўваюцца магчымасці пастаўкі электробусаў у Маскву, Санкт-Пецярбург і Екацярынбург. У Маскве ўжо завяршаецца доследная эксплуатацыя, плануецца, што ў верасні яна пачнецца ў Санкт-Пецярбургу. Створана рабочая група для выпрацоўкі падыходаў да ўкаранення гэтага віду транспарту ў Екацярынбургу, вызначаюцца маршруты", - сказаў Віталь Шкуратаў.

"Белкамунмаш" выпускае электробус мадэлі Е433 пасажыраўмяшчальнасцю 153 чалавекі, у тым ліку абсталявана 38 месц для сядзення. Сярод пераваг гэтага інавацыйнага віду транспарту перад прывычнымі аўтобусамі, тралейбусамі і трамваямі - экалагічнасць, манеўранасць і павышаны камфорт. Электробус, як і тралейбус, працуе ад электраэнергіі, толькі яна паступае не ад кантактнай сеткі, а ад устаноўленых на борце накапляльнікаў на базе суперкандэнсатараў. На канцавых прыпыначных пунктах яны зараджаюцца за пяць хвілін і даюць магчымасць праехаць 13 км. Эканомія электраэнергіі пры эксплуатацыі электробуса ў параўнанні з тралейбусам складае 14 працэнтаў. У салоне прадугледжаны месцы для інваліднай каляскі з сістэмамі фіксацыі і апавяшчэння вадзіцеля. Пры пад'ездзе да прыпынку спрацоўвае сістэма паніжэння ўзроўню падлогі з боку ўвахода. У салоне ёсць разеткі і USB-раздымы для зарадкі гаджэтаў.

Мінчане ўжо ацанілі новы від пасажырскага транспарту. У маі электробусы пачалі курсіраваць па маршруце нумар 59Л "ДС Сярова - Даўгабродская", у жніўні - нумар 43Л "ДС Дружная - Сярова". Усяго па горадзе ездзяць 20 інавацыйных машын. Кошт праезду ў электробусе складае столькі ж, колькі і ў звычайным транспарце. "Гэта перспектыўны для Мінска від транспарту. У будучым пастаўкі будуць прадаўжацца", - адзначыў Віталь Шкуратаў.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс