У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

10 Кст 2019

БелГПП на бізнес-форумах за тры гады падпісала кантрактаў на $1,5 млрд

БелГПП на бізнес-форумах за тры гады падпісала кантрактаў на $1,5 млрд

10 кастрычніка, Мінск /Кар. БЕЛТА/. БелГПП на бізнес-форумах за тры гады падпісала кантрактаў на пастаўкі беларускай прадукцыі на агульную суму $1,5 млрд. Аб гэтым паведаміў журналістам старшыня Беларускай гандлёва-прамысловай палаты Уладзімір Улаховіч перад пачаткам XI З'езда БелГПП, што праходзіць сёння ў Мінску, перадае карэспандэнт БЕЛТА.

"У нас ёсць дарожная карта, якая называецца "Стратэгічны план 2020". Мы яго прынялі крыху менш як тры гады таму, - адзначыў Уладзімір Улаховіч. - У дарожнай карце змешчаны чатыры асноўныя прыярытэты: падтрымка нацыянальнага экспарту, даступнасць паслуг, фактычна электронная палата і падтрымка членаў палаты".

"Што датычыцца падтрымкі нацыянальнага экспарту, то тут адкрыўся шэраг новых праграм. Нам дэлегаваны ўрадам статус нацыянальнага каардынатара выставак за мяжой, у тым ліку права ўносіць прапановы ў нарматыўныя акты, выкарыстоўваць бюджэтныя сродкі (а мы ж не дзяржаўная структура), - адзначыў Уладзімір Улаховіч. - На нашых бізнес-форумах за гэтыя тры гады падпісана кантрактаў на $1,5 млрд на пастаўкі беларускай прадукцыі".

"Па другім прыярытэце - у нас адкрыўся цэлы рэестр новых паслуг: прававыя, маркетынгавыя, суправаджэнне экспартных паставак і г.д. Мы таксама атрымалі статус і цяпер працуем у якасці ўпаўнаважанага органа па выдачы сертыфікатаў сумеснай прадукцыі, вырабленай у Еўразійскім эканамічным саюзе. Акрамя таго, правялі дакумент праз урад і выдаём цяпер сертыфікаты свабоднага продажу", - прадоўжыў кіраўнік палаты.

Значны зачын зроблены па трэцім прыярытэце (электронная палата). "У нас працуе партал верыфікацыі сертыфікатаў. Усё гэта "ў лічбе", можна дыстанцыйна праверыць выдачу/ нявыдачу сертыфіката. У хуткім часе адкрыюцца асабістыя кабінеты для членаў палаты. Чакаем, што будзе прызнаны электронны подпіс, тады мы проста пяройдзем у лічбавыя фарматы выдачы нашых паслуг", - расказаў старшыня.

Што датычыцца партнёрства, то тут Уладзімір Улаховіч прывёў лічбы, якія гавораць самі за сябе: за тры гады членамі палаты захацелі стаць 1439 прадпрыемстваў. "Сёння ў нас рэкордная лічба - 2434 прадпрыемствы, 60 працэнтаў з іх - гэта прадстаўнікі малога і сярэдняга прадпрымальніцтва", - рэзюмаваў кіраўнік БелГПП.

Удзел у з'ездзе БелГПП прымаюць дэлегаты, якія прадстаўляюць больш за 230 прадпрыемстваў і арганізацый з усіх рэгіёнаў краіны. На з'ездзе будуць падведзены вынікі дзейнасці Беларускай гандлёва-прамысловай палаты за апошнія тры гады, вызначаны перспектыўныя напрамкі работы.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс