Бізнес-навіны

"Белдзяржхарчпрам" зацікаўлены ў пашырэнні супрацоўніцтва з Удмуртыяй

Фота канцэрна "Белдзяржхарчпрам"

3 лістапада, Мінск /Кар. БЕЛТА/. "Белдзяржхарчпрам" зацікаўлены ў пашырэнні супрацоўніцтва з Удмуртыяй, паведамілі карэспандэнту БЕЛТА ў прэс-службе канцэрна.

Старшыня канцэрна "Белдзяржхарчпрам" Анатоль Бубен сустрэўся з пастаянным прадстаўніком кіраўніка Удмурцкай Рэспублікі пры прэзідэнце Расіі - намеснікам старшыні ўрада Удмурцкай Рэспублікі Міхаілам Хомічам.

Бакі абмеркавалі перспектыўныя напрамкі супрацоўніцтва, у тым ліку экспарт піваварнага соладу і харчовай солі ва ўдмурцкі рэгіён, а таксама пастаўкі высокатэхналагічнага абсталявання для прадпрыемстваў канцэрна.

Дзелавая сустрэча з дэлегацыяй Удмурцкай Рэспублікі прайшла ў вочна-завочным фармаце. Удзельнікамі сталі прадстаўнікі канцэрна і шэрага прадпрыемстваў: Мінскі маргарынавы завод, ААТ "Крыніца", Гарадзейскі цукровы камбінат, Жабінкаўскі цукровы завод, Бабруйскі завод алею, Віцебскі алейнаэкстракцыйны завод, Маларыцкі кансервава-агароднінасушыльны камбінат, ААТ "Гама смаку".

Бакі разгледзелі пытанні пашырэння асартыменту паставак беларускіх кандытарскіх вырабаў, снэкаў, піва, дзіцячага харчавання, алейна-тлушчавай прадукцыі.

версія для друку

зрабіць стартавай

дабавіць у выбранае