У Беларусь без візы на 30 дзён
Афіцыйны сайт Рэспублікі Беларусь
Бізнес
Каляндар падзей у Беларусі: КАСТРЫЧНІК 2020
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

25 Лют 2020

БелАЗ адправіў у Індыю другую партыю кар'ерных самазвалаў

БелАЗ адправіў у Індыю другую партыю кар'ерных самазвалаў
Фота з архiва

25 лютага, Мінск /Юлія Неманкова - БЕЛТА/. Другая партыя кар'ерных самазвалаў БелАЗ-75137 адправілася ў Індыю, паведамілі БЕЛТА ў прэс-службе ААТ "БелАЗ" - кіруючая кампанія холдынга "БелАЗ-Холдынг".

У другой партыі восем машын грузападымальнасцю 136 т. У студзені індыйскім спажыўцам была адгружана першая партыя самазвалаў БелАЗ, якая сёння знаходзіцца ў стадыі мантажу і зборкі. Пастаўкі машын ажыццяўляюцца згодна з вялікім кантрактам на 77 кар'ерных самазвалаў, падпісаным у кастрычніку 2019 года з кампаніяй Coal India Limited.

У непасрэднай блізкасці ад вугальнага кар'ера Gerva, на распрацоўцы якога будуць задзейнічаны БелАЗы, прадаўжаецца будаўніцтва сэрвіснага цэнтра па абслугоўванні беларускіх кар'ерных самазвалаў. Ужо ўзведзена агароджа, выканана планіроўка тэрыторыі, выдадзена праектная дакументацыя на правядзенне работ і пачалося ўзвядзенне карпусоў. Згодна з дамоўленасцямі з індыйскім бокам, БелАЗ будзе пастаўляць запчасткі і займацца сэрвісным абслугоўваннем на працягу 8 гадоў эксплуатацыі тэхнікі.

Самазвалы серыі 7513 карыстаюцца вялікай папулярнасцю ў горназдабыўных кампаній свету. Гэта мадэль складае 27 працэнтаў ад агульнай колькасці прададзенай у 2019 годзе тэхнікі БелАЗ.

Дзяржаўная вуглездабыўная карпарацыя Coal India Limited, на долю якой прыпадае 81 працэнт вуглездабычы ў Індыі, займае 2-е месца па здабычы вугалю ў свеце. Штогод у краіне здабываецца больш за 500 млн т вугалю. Урадам Індыі пастаўлена задача па здабычы 1 млрд т вугалю да 2025 года.

ААТ "БелАЗ" - кіруючая кампанія холдынга "БелАЗ-Холдынг" - буйнейшы сусветны вытворца кар'ерных самазвалаў і транспартнага абсталявання для горназдабыўной і будаўнічай прамысловасці. Займае каля 30 працэнтаў сусветнага рынку кар'ерных самазвалаў асабліва вялікай грузападымальнасці. Вырабляе самы вялікі ў свеце кар'ерны самазвал грузападымальнасцю 450 т.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс