Афіцыйны сайт Рэспублікі Беларусь
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

17 Jun 2021

БЕЛАЗ адгрузіў чатыры 45-тонныя кар'ерныя самазвалы ў Македонію

БЕЛАЗ адгрузіў чатыры 45-тонныя кар'ерныя самазвалы ў Македонію
Фота ААТ "БЕЛАЗ"

17 чэрвеня, Мінск /Кар. БЕЛТА/. Чатыры кар'ерныя самазвалы БЕЛАЗ-75454 грузападымальнасцю 45 т адгружаны ў Македонію для кампаніі Sinpeks d.o.o. Bitola. Гэта першая пастаўка тэхнікі БЕЛАЗ у названы рэгіён за ўсю гісторыю прадпрыемства, паведамілі БЕЛТА ў прэс-службе беларускага холдынга.

Машына аснашчана рухавіком Scania DC16 (Stage 4f) магутнасцю 478 кВт. Гэта новае пакаленне самазвалаў з маторамі, якія адпавядаюць сучасным экалагічным стандартам.

"На кар'ерніку ўстаноўлена аўтаматычная каробка перадач, якая дапамагае выбраць найбольш аптымальны цягава-скорасны рэжым руху самазвала, і сістэма аўтаматычнага кіравання трансмісіяй, якая паляпшае эксплуатацыйныя характарыстыкі машыны за кошт падтрымання аптымальных рабочых рэжымаў. Бяспечную работу і эфектыўную эксплуатацыю БЕЛАЗ-75454 забяспечваюць шматдыскавыя маслаахалоджвальныя тармазы", - расказалі ў прэс-службе.

Кар'ерныя самазвалы гэтай мадэлі прызначаны для транспартавання горнай масы ў разрыхленым стане па тэхналагічных дарогах на адкрытых распрацоўках карысных выкапняў з рознымі кліматычнымі ўмовамі. Могуць выкарыстоўвацца на будаўніцтве вялікіх прамысловых і гідратэхнічных збудаванняў, пры будаўніцтве дарожна-магістральных комплексаў, а таксама ў тэхналагічных падраздзяленнях прадпрыемстваў перапрацоўчай прамысловасці. У залежнасці ад удзельнай вагі грузу, які перавозіцца, найбольшая эфектыўнасць дасягаецца пры эксплуатацыі з экскаватарамі або пагрузчыкамі з каўшамі ёмістасцю 8-12,5 куб.м.

ААТ "БЕЛАЗ" - кіруючая кампанія холдынга "БЕЛАЗ-Холдынг" - буйнейшы сусветны вытворца кар'ерных самазвалаў і транспартнага абсталявання для горназдабыўной і будаўнічай прамысловасці. Займае каля 30 працэнтаў сусветнага рынку кар'ерных самазвалаў асабліва вялікай грузападымальнасці. Вырабляе самы вялікі ў свеце кар'ерны самазвал грузападымальнасцю 450 т.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі