Бізнес-навіны
"Белавія" 5 і 6 жніўня знізіць тарыфы на 50 працэнтаў
4 жніўня, Мінск /Кар. БЕЛТА/. Авіякампанія "Белавія" 5 і 6 жніўня змяншае тарыфы на 50 працэнтаў. Такая інфармацыя размешчана на сайце авіякампаніі, паведамляе БЕЛТА.
Набыць авіябілет па акцыйным тарыфе магчыма толькі на сайце авіякампаніі. Акцыя дзейнічае на прамыя рэйсы авіякампаніі, на рэгулярныя маршруты "Белавія". Напрамак Мінск - Бейрут - Мінск не ўдзельнічае ў акцыі.
Акцыя дзейнічае пры куплі білетаў як з Мінска, так і ў Мінск, толькі па маршруце туды-назад. Перыяд палёту - з 1 кастрычніка па 15 снежня. Максімальны тэрмін знаходжання па проматарыфе ў пункце прызначэння складае 1 месяц.
Змяненні часу і даты вылету забаронены. Пры вяртанні авіябілета вяртанню падлягаюць толькі нявыкарыстаныя таксы аэрапортаў. Акцыйны тарыф можна камбінаваць з іншымі тарыфамі авіякампаніі. Пры камбінацыі акцыйнага тарыфу з іншымі - змяненні забаронены, вяртанню падлягаюць толькі нявыкарыстаныя таксы аэрапортаў.
Абавязковай умовай з'яўляецца выкарыстанне білета ў адпаведнасці з чарговасцю маршруту, пачынаючы з першага аэрапорта адпраўлення, пазначанага ў білеце. Пры невыкарыстанні білета на першым участку месцы анулююцца, і пасажыр на другім участку не будзе прымацца да перавозкі.
Пералік напрамкаў і акцыйны кошт білетаў на рэгулярныя напрамкі можна паглядзець на сайце авіякампаніі.
версія для друку
зрабіць стартавай
дабавіць у выбранае