Афіцыйны сайт Рэспублікі Беларусь
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

19 Ліс 2020

"Беларуснафта": створаная да канца года зарадная сетка дасць магчымасць абслугоўваць да 15 тыс. электракараў


Фота з архiва

19 лістапада, Гомель /Кар. БЕЛТА/. Створаная ў Беларусі да канца года зарадная сетка дасць магчымасць абслугоўваць да 15 тыс. электракараў. Аб гэтым паведаміў кіраўнік групы перспектыўнага развіцця новых энергетычных тэхналогій РУП "Вытворчае аб'яднанне "Беларуснафта" Анатоль Катляроў на брыфінгу, перадае карэспандэнт БЕЛТА.

Дзяржаўным аператарам па развіцці сеткі электразарадных станцый пад брэндам Malanka выступае ВА "Беларуснафта". Паводле слоў Анатоля Катлярова, цяпер у рэспубліцы дзейнічае 280 зарадных станцый, да канца года іх колькасць павялічыцца да 400. "Гэта сетка дасць магчымасць абслугоўваць да 15 тыс. электрамабіляў. Пакуль у Беларусі зарэгістравана каля 1,5 тыс. электракараў", - расказаў ён. Да 2022 года колькасць зарадных станцый перавысіць 600.

Ва ўсім свеце адзначаецца тэндэнцыя да развіцця электратранспарту, і Беларусь - не выключэнне. "На дзяржаўным узроўні прымаюць указы, распрацоўваюць праграмы і меры для стымулявання развіцця гэтага напрамку. Пасля мер стымулявання, якія ўступілі ў сілу ў чэрвені гэтага года, значна ўзрасла колькасць увозімых у Беларусь электрамабіляў. Калі са студзеня да 15 чэрвеня ў краіну паставілі 396 такіх машын, то толькі за наступныя два месяцы - 400. Фактычна перавышана паўгадавая норма паставак", - адзначыў Анатоль Катляроў.

Планамерна рэалізуецца праект па стварэнні сеткі электразаправак Malanka РУП "Беларуснафта". Цяпер у сетцы ЭЗС эксплуатуюць і ўстанаўліваюць два тыпы станцый - Mode 3 і Mode 4. Час зарадкі на ЭЗС Mode 3 - 6-8 гадзін, ЭЗС Mode 4 за 15-30 мін. забяспечвае 80 працэнтаў зараду батарэі.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі