Бізнес-навіны

Беларускія вытворцы лякарстваў прадставілі прадукцыю на выстаўцы ва Узбекістане

12 красавіка, Мінск /Кар. БЕЛТА/. Беларускія вытворцы лякарстваў прымаюць удзел у 26-й Міжнароднай спецыялізаванай выстаўцы "Ахова здароўя-TIHE", якая праходзіць 12-14 красавіка ў Ташкенце (Узбекістан), паведамляе БЕЛТА са спасылкай на прэс-службу Міністэрства аховы здароўя.

Арганіцыі - удзельніцы холдынга "Белфармпрам" (РУП "Белмедпрэпараты", ААТ "Экзон", УП "Мінскінтэркапс") у рамках калектыўнага стэнда холдынга прадстаўляюць на выстаўцы як лякарствы, якія ўжо вядомы і добра зарэкамендавалі сябе, так і навінкі, якія не маюць аналагаў на ўзбекскім рынку. Напрыклад, ААТ "Экзон" прадставіла біялагічна актыўныя дабаўкі "Вітамін С", Vitax, "Гематаген з журавінамі і вітамінам С", "Гематаген з яблыкам і карыцай" і "Гематаген з яблыкам".

У ходзе ўдзелу ў выстаўцы арганізацыі правядуць сустрэчы з дзеючымі і новымі партнёрамі, на якіх абмяркуюць пытанні па пашырэнні асартыменту і аб'ёмаў паставак лекавых прэпаратаў і БАДаў. Плануецца падпісанне кантрактаў на пастаўку прадукцыі. Таксама чакаецца правядзенне сярод медыцынскіх прадстаўнікоў навучальных семінараў па пашырэнні лекавых прэпаратаў ва Узбекістане.

версія для друку

зрабіць стартавай

дабавіць у выбранае