Бізнес-навіны

12 сакавіка, Мінск /Кар. БЕЛТА/. Прыняты дадатковыя меры для ўдасканалення ўмоў дзейнасці навукова-тэхналагічных паркаў. Адпаведны ўказ нумар 105 Прэзідэнт Беларусі Аляксандр Лукашэнка падпісаў 12 сакавіка, паведамілі БЕЛТА ў прэс-службе кіраўніка дзяржавы.

Дакумент устанаўлівае права тэхнапаркаў ствараць фонды інавацыйнага развіцця, сродкі якіх могуць выкарыстоўвацца для фінансавання выконваемых рэзідэнтамі інавацыйных праектаў і падтрымкі матэрыяльна-тэхнічнай базы.

З'яўляецца магчымасць правядзення гібкай арэнднай палітыкі ў залежнасці ад узроўню тэхналагічнага ўкладу вытворчасці і тэрміну дзейнасці рэзідэнтаў.

Тэхнапаркам і іх рэзідэнтам прадастаўляюцца льготы пры ўвозе на тэрыторыю краіны тэхналагічнага абсталявання для рэалізацыі праектаў у рамках Дзяржаўнай праграмы інавацыйнага развіцця Беларусі.

Прыняцце ўказа дасць магчымасць актывізаваць дзейнасць навукова-тэхналагічных паркаў як цэнтраў інавацыйнага развіцця і пляцовак для арганізацыі высокатэхналагічных вытворчасцей.