У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

7 Май 2015

Беларускія прадпрыемствы змогуць удзельнічаць у стварэнні новага раёна ў кітайскім Ляньюньгане

8 мая, Ляньюньган /Аліна Грышкевіч - БЕЛТА/. Беларускія прадпрыемствы змогуць удзельнічаць у стварэнні новага партовага раёна Сюй Вэй у кітайскім горадзе Ляньюньган. Такую прапанову выказаў у размове з карэспандэнтам БЕЛТА прадстаўнік адміністрацыйнага камітэта гэтага раёна Лю Дабаа.

"Мы шчыра запрашаем беларускія прадпрыемствы і бізнесменаў да будаўніцтва новага порта і раёна, - сказаў Лю Дабаа. - Кітай надае вялікае значэнне развіццю супрацоўніцтва з Беларуссю, і візіт Старшыні КНР Сі Цзіньпіна з'яўляецца яскравым прыкладам гэтага. Я ведаю, што з нашага боку рыхтуецца нямала прапаноў па ўмацаванні эканамічных сувязей з Беларуссю".

Лю Дабаа расказаў аб бліжэйшых перспектывах маштабнага будаўніцтва новага раёна, якое вядзецца на вялікай тэрыторыі былых саляных распрацовак. Гэты раён прызначаны поўнасцю змяніць выгляд горада, дзе цяпер жывуць 5,2 млн чалавек. Да гэтага асноўнай задачай горада з-за выгаднага геаграфічнага становішча было аб'яднанне цэнтральнай, заходняй і ўсходняй частак Кітая марскімі і чыгуначнымі шляхамі. У сувязі з ажыццяўленнем праектаў "Эканамічная зона Шаўковага шляху" і "Марскі шаўковы шлях XXI стагоддзя" задачы горада становяцца больш маштабнымі.

Пакуль новы раён існуе ў асноўным на макетах. Але ўжо ў бліжэйшыя гады на плошчы каля 500 кв.км паўстануць гіганцкія індустрыяльныя комплексы, у тым ліку нафтахімічныя і сталеліцейныя. На першых этапах стварэння раёна ўрад будзе ўкладаць уласныя рэсурсы, разлічваючы ўжо ў бліжэйшай перспектыве на прыцягненне замежных інвестыцый, што рэальна з улікам набіраючага абароты новага Шаўковага шляху, у якім Ляньюньгану адводзіцца значная роля.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс
Еўрапейскія гульні-2019 у Мінску