У Беларусь без візы на 30 дзён
Афіцыйны сайт Рэспублікі Беларусь
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

9 Сак 2015

Беларускія прадпрыемствы могуць прыняць удзел у будаўніцтве Курскай АЭС-2

9 сакавіка, Мінск /Юлія Дылянок - БЕЛТА/. Беларускія прадпрыемствы могуць прыняць удзел у будаўніцтве Курскай АЭС-2. Аб гэтым паведаміў сёння журналістам міністр сувязі і інфарматызацыі Беларусі Сяргей Папкоў, перадае карэспандэнт БЕЛТА.

"Наша дэлегацыя, кіраўнікі нашых прадпрыемстваў сувязі выязджалі ў Курскую вобласць у снежні мінулага года, вяліся перагаворы. Сёння мы ўзгаднялі моманты па ўдзеле беларускіх прадпрыемстваў, у тым ліку пры будаўніцтве інжынернай інфраструктуры на Курскай АЭС-2", - адзначыў Сяргей Папкоў.

Паводле яго слоў, заўтра ў Мінску плануецца падпісаць план мерапрыемстваў на 2015-2016 гады да пагаднення ад 25 студзеня 2002 года паміж адміністрацыяй Курскай вобласці (Расія) і ўрадам Беларусі аб гандлёва-эканамічным, навукова-тэхнічным і культурным супрацоўніцтве. "Там будуць агавораны шмат розных напрамках як фінансавых, так і ў культурных адносінах. У прыватнасці, мы плануем далейшае развіццё нашага сумеснага прадпрыемства па вытворчасці тралейбусаў "Белкамунмаш" у горадзе Курск. Магчымы ўдзел нашых будаўнікоў ва ўзвядзенні горна-абагачальнага камбіната, зацікаўлены ў пастаўках БелАЗаў. Агульныя падыходы ёсць у розных галінах народнай гаспадаркі", - канстатаваў міністр.

Тавараабарот паміж Беларуссю і Курскай вобласцю дасягнуў у 2014 годзе $243 млн. Доля рэспублікі ў агульным аб'ёме знешнегандлёвага абароту расійскага рэгіёна склала 21,3 працэнта, у аб'ёме знешнегандлёвага абароту з краінамі СНД - 43 працэнты. З Беларусі актыўна пастаўляецца шырокі спектр прамысловай прадукцыі і харчовых тавараў: прадукцыя нафтахімічнага комплексу, прамысловая прадукцыя, тэкстыль, адзенне і абутак, харчовыя тавары, драўніна і цэлюлозна-папяровыя вырабы. На беларускі рынак экспартуецца машынабудаўнічая прадукцыя і электраабсталяванне, прадукцыя хімічнай прамысловасці, металы і вырабы з іх, драўніна і цэлюлозна-папяровыя вырабы, харчовыя тавары і сельскагаспадарчая сыравіна. Адным з прыярытэтных напрамкаў супрацоўніцтва з'яўляецца развіццё вытворчай кааперацыі паміж прамысловымі прадпрыемствамі Беларусі і Курскай вобласці.

З партнёрамі ў Беларусі на доўгатэрміновай аснове ўзаемадзейнічаюць 20 з 54 буйных і сярэдніх курскіх прамысловых арганізацый (амаль 40 працэнтаў прамысловых прадпрыемстваў рэгіёна). Прычым узаемаадносіны ўзнімаюцца на больш высокі якасны ўзровень, пераходзячы ад простага тавараабмену да сумесных вытворчасцей - адкрыцця дылерскіх цэнтраў, стварэння прадпрыемстваў, рэалізацыі агульных тэхнічных і эканамічных праграм.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі